1. gr.

Byggingarfulltrúi Sveitarfélagsins Ölfuss, sem starfar einnig sem skipulagsfulltrúi sveitar­félagsins, fer með verkefni sem mælt er fyrir um í lögum nr. 160/2010 um mannvirki og ákvæðum í þeim reglugerðum sem settar eru á grundvelli laganna, þar á meðal útgáfu byggingarleyfa.

2. gr.

Skipulags-, byggingar- og umhverfisnefnd Sveitarfélagsins Ölfuss annast verkefni bygg­ingar­nefndar sveitarfélagsins, sbr. 7. gr. laga um mannvirki og samþykkt nr. 876/2013 um stjórn Sveitarfélagsins Ölfuss. Telji byggingarfulltrúi að umsókn um bygg­ingar­leyfi sé bersýnilega í ósamræmi við skipulagsáætlanir eða ekki liggur fyrir deili­­skipulag skal hann vísa leyfisumsókninni til skipulags-, byggingar- og umhverfis­­nefndar í samræmi við ákvæði skipulagslaga. Telji byggingarfulltrúi að leyfis­umsókn uppfylli ekki ákvæði laga um mannvirki, byggingarreglugerðar eða annarra reglugerða eða samþykkta eða óvissu ríkja um það hvort ákvæði þessi séu uppfyllt skal hann óska eftir umsögn skipulags-, byggingar- og umhverfisnefndar áður en hann afgreiðir umsóknina.

3. gr.

Um málsmeðferð gilda að öðru leyti ákvæði sveitarstjórnarlaga, nr. 138/2011, laga nr. 160/2010 um mannvirki, skipulagslaga, nr. 123/2010, stjórnsýslulaga, nr. 37/1993, og samþykktar nr. 875/2013 um stjórn Sveitarfélagsins Ölfuss, eftir því sem við á.

4. gr.

Samþykkt þessi, sem bæjarstjórn Sveitarfélagsins Ölfuss hefur sett samkvæmt 7. gr. laga nr. 160/2010 um mannvirki, staðfestist hér með til að öðlast þegar gildi.

F. h. r.