FORSETI ÍSLANDS
gjörir kunnugt: Alþingi hefur fallist á lög þessi og ég staðfest þau með samþykki mínu: Breyting á lögum nr. 90/2008, um leikskóla.
1. gr.
Við 1. mgr. 9. gr. laganna bætist nýr málsliður, svohljóðandi: Um rétt foreldris sem ekki fer með forsjá barns til upplýsinga um barn sitt samkvæmt þessum lögum fer samkvæmt fyrirmælum 52. gr. barnalaga, nr. 76/2003.
Breyting á lögum nr. 91/2008, um grunnskóla.
2. gr.
Við 2. mgr. 18. gr. laganna bætist nýr málsliður, svohljóðandi: Um rétt foreldris sem ekki fer með forsjá barns til upplýsinga um barn sitt samkvæmt þessum lögum fer samkvæmt fyrirmælum 52. gr. barnalaga, nr. 76/2003.
3. gr.
Lög þessi öðlast þegar gildi.
Gjört á Bessastöðum, 3. apríl 2009. Ólafur Ragnar Grímsson.
(L. S.) Katrín Jakobsdóttir. |