Bæjarstjórn Mosfellsbæjar hefur þann 24. september 2008 samþykkt breytingar á deiliskipulagi athafnahverfis á Tungumelum. Um er að ræða breytingar á byggingarreitum og lóðarmörkum næst Vesturlandsvegi, til aðlögunar að breyttri útfærslu mislægra vegamóta og breyttu veghelgunarsvæði. Deiliskipulagsbreyting þessi hefur hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast hún þegar gildi. Nýr uppdráttur og skilmálar koma í stað áður samþykkts uppdráttar og skilmála, sem falla þar með úr gildi. F.h. Mosfellsbæjar, 17. október 2008, Finnur Birgisson skipulagsfulltrúi. |