1. gr. Við 2. gr. reglnanna bætist nýr stafliður, f-liður, svohljóðandi: Tilskipun framkvæmdastjórnarinnar 2011/74/ESB frá 29. júlí 2011 um breytingu á II. viðauka við tilskipun Evrópuþingsins og ráðsins 96/73/EB um tilteknar aðferðir við magngreiningu textíltrefjablandna úr tveimur efnum í því skyni að laga viðaukann að tækniframförum.
2. gr. Við 3. gr. reglnanna bætist ný málsgrein, svohljóðandi: Ákvörðun sameiginlegu EES-nefndarinnar og ESB-gerðin, sem vísað er til í f-lið 2. gr., eru birtar í EES-viðbæti við Stjórnartíðindi EB (ákvörðunin í 19. árgangi, hefti nr. 54 (27. september 2012), bls. 884). ESB-gerðin er jafnframt birt sem fylgiskjal með reglum þessum. 3. gr. Framangreindar breytingar, sem innleiða tilskipun 2011/74/ESB, eru settar með heimild í 18. gr. laga nr. 57/2005, um eftirlit með viðskiptaháttum og markaðssetningu, með síðari breytingum og öðlast þegar gildi. Neytendastofu, 12. október 2012. Tryggvi Axelsson. Þórunn Anna Árnadóttir.
|