I. KAFLI Gildissvið o.fl. 1. gr. Gildissvið. Gjaldskrá þessi tekur til gjalda aðila með heimild til notkunar gæðakerfis eða annarrar formlegrar tilhögunar innra eftirlits í stað löggildinga mælitækja, sem þeir greiða, sbr. 32. gr. laga nr. 91/2006, um mælingar, mæligrunna og vigtarmenn og reglugerða sem gilda um hlutaðeigandi mælitæki, sem heimildin tekur til. 2. gr. Eftirlitsgjöld vegna notkunar innra eftirlits í stað löggildinga. Gjöld vegna innra eftirlits eru með eftirfarandi hætti: - Umsóknargjald: Gjald fyrir móttöku, skráningu og yfirferð umsóknar og fylgiskjala, auk álitsgerðar um niðurstöður fyrstu yfirferðar á umsókn og fylgigögnum hennar, svo og undirbúningsheimsókn til umsækjanda þegar það á við.
- Leyfisgjald: Gjald fyrir formlegt samþykki Neytendastofu á gæðakerfum eða kerfum til forpakkningar á vörum en það felur í sér kostnað vegna mats á kerfum, gerðar verk- og tímaáætlunar, mats á gæðakerfi og tæknilegri starfsemi umsækjanda, skýrslugerðar og leyfisveitingar.
- Eftirlitsgjald: Gjald vegna vinnu við árlegt eftirlit með kerfum samkvæmt þessari grein en það felur í sér gerð verk- og tímaáætlunar, vinnu við reglubundið mat á gæðakerfi og tæknilegri starfsemi umsækjanda, skýrslugerð og endurútgáfu leyfis.
II. KAFLI Flokkar mælitækja. 3. gr. Vatns- og raforkumælar. Eftirlitsgjöld fyrir vatns- og raforkumæla skulu vera svo sem hér segir: - Umsóknargjald: Kr. 59.000. Við þennan gjaldalið bætist ferðakostnaður, þegar það á við, samkvæmt auglýsingu ferðakostnaðarnefndar um dagpeninga ríkisstarfsmanna á ferðalögum innanlands.
- Leyfisgjald: Kr. 5.500.
- Eftirlitsgjald:
| | | a) | Kr. 59.000 fyrir færri en 5.000 mæla. | | | | b) | Kr. 118.000 fyrir færri en 50.000 mæla. | | | | c) | Kr. 177.000 fyrir 50.000 mæla og þar yfir. |
Gjöld samkvæmt þessari grein miðast við neysluvísitölu í janúar 2009 og skulu breytast árlega til samræmis við breytingar á þeirri vísitölu. 4. gr. Mælikerfi fyrir eldsneytisskammtara, tankbifreiðar og mjólk. Eftirlitsgjöld fyrir mælikerfi fyrir eldsneytisskammtara, tankbifreiðar og mjólk skulu vera svo sem hér segir: - Umsóknargjald: Kr. 59.000. Við þennan gjaldalið bætist ferðakostnaður, þegar það á við, samkvæmt auglýsingu ferðakostnaðarnefndar um dagpeninga ríkisstarfsmanna á ferðalögum innanlands.
- Leyfisgjald: Kr. 5.500.
- Eftirlitsgjald: Kr. 118.000.
Gjöld samkvæmt þessari grein miðast við neysluvísitölu í janúar 2009 og skulu breytast árlega til samræmis við breytingar á þeirri vísitölu. 5. gr. Vogir. Eftirlitsgjöld fyrir vogir skulu vera svo sem hér segir: - Umsóknargjald: Kr. 59.000. Við þennan gjaldalið bætist ferðakostnaður, þegar það á við, samkvæmt auglýsingu ferðakostnaðarnefndar um dagpeninga ríkisstarfsmanna á ferðalögum innanlands.
- Leyfisgjald: Kr. 5.500.
- Eftirlitsgjald: Kr. 118.000.
Gjöld samkvæmt þessari grein miðast við neysluvísitölu í janúar 2009 og skulu breytast árlega til samræmis við breytingar á þeirri vísitölu. III. KAFLI Gildistaka o.fl. 6. gr. Gildistaka. Gjaldskrá þessi, sem sett er skv. 32. gr., sbr. einnig 2. og 6. mgr. 14. gr. laga nr. 91/2006, um mælingar, mæligrunna og vigtarmenn, öðlast þegar gildi. Viðskiptaráðuneytinu, 2. febrúar 2009. Gylfi Magnússon. Jónína S. Lárusdóttir. |