HANDHAFAR VALDS FORSETA ÍSLANDS samkvæmt 8. gr. stjórnarskrárinnar forsætisráðherra, forseti Alþingis og forseti Hæstaréttar, gjöra kunnugt: Alþingi hefur fallist á lög þessi og vér staðfest þau með samþykki voru: I. KAFLI Breyting á lögum nr. 90/2003, um tekjuskatt, með síðari breytingum. 1. gr.
Við 7. mgr. B-liðar 68. gr. laganna bætist nýr málsliður, svohljóðandi: Sé svo ástatt að einungis annað hjóna er skattskylt hér á landi skv. 1. gr. skal ákvarða því vaxtabætur hér á landi eftir þeim reglum sem gilda um hjón, enda liggi fyrir upplýsingar um tekjur beggja.
2. gr.
Á eftir 1. málsl. a-liðar 5. tölul. 70. gr. laganna kemur nýr málsliður, svohljóðandi: Þegar um er að ræða leigutekjur manns af íbúðarhúsnæði er heimilt að taka tillit til frádráttar skv. 3. mgr. 30. gr.
3. gr.
Á eftir „2.“ tvisvar sinnum í ákvæði til bráðabirgða L í lögunum kemur: og 3.
II. KAFLI Breyting á lögum nr. 45/1987, um staðgreiðslu opinberra gjalda, með síðari breytingum. 4. gr.
Við 2. málsl. 2. mgr. 7. gr. laganna bætist: svo og sérhvern annan aðila sem hefur atvinnu af fjárvörslu, milligöngu eða innheimtu í verðbréfaviðskiptum eða annast innheimtu fyrir aðra.
III. KAFLI Breyting á lögum nr. 94/1996, um staðgreiðslu skatts á fjármagnstekjur, með síðari breytingum. 5. gr.
Á undan orðinu „skilagrein“ í 1. málsl. 1. mgr. 9. gr. laganna kemur: sundurliðuð.
IV. KAFLI Breyting á lögum nr. 113/1990, um tryggingagjald, með síðari breytingum. 6. gr.
Í stað orðanna „1. ágúst ár hvert og eindagi mánuði síðar“ í 6. mgr. 12. gr. laganna kemur: annars vegar 1. ágúst ár hvert hjá mönnum og eindagi mánuði síðar og hins vegar 1. nóvember ár hvert hjá lögaðilum og eindagi mánuði síðar.
7. gr.
Í stað orðanna „1. ágúst“ í 16. gr. laganna kemur: 1. ágúst hjá mönnum og 1. nóvember hjá lögaðilum.
V. KAFLI Breyting á lögum nr. 14/2004, um erfðafjárskatt, með síðari breytingum. 8. gr.
2. málsl. 9. gr. laganna fellur brott.
VI. KAFLI Breyting á lögum nr. 96/1995, um gjald af áfengi og tóbaki, með síðari breytingum. 9. gr.
2. mgr. 8. gr. laganna orðast svo: Tóbak telst samkvæmt lögum þessum vera sérhver vara sem inniheldur tóbak (nicotiana) og flokkast í 24. kafla í viðauka I við tollalög, nr. 88/2005, með síðari breytingum.
10. gr.
Lög þessi öðlast gildi 1. janúar 2013. Þó skulu 4. og 5. gr. öðlast gildi 1. apríl 2013.
Gjört í Reykjavík, 28. desember 2012. Jóhanna Sigurðardóttir. | Ásta R. Jóhannesdóttir. (L. S.) | Markús Sigurbjörnsson. |
Katrín Júlíusdóttir. |