1. gr. 1. mgr. 2. gr. breytist og verður svohljóðandi: Ef þörf krefur leggur heilbrigðisvísindasvið, að tillögu hjúkrunarfræðideildar, fyrir háskólaráð rökstuddar tillögur um fjölda stúdenta sem unnt er að taka til náms í hjúkrunarfræði. Skal beiðni þar að lútandi send háskólaráði fyrir lok nóvember. Háskólaráð afgreiðir tillögur fræðasviðsins eigi síðar en í janúar. 2. gr. 2. mgr. 3. gr. breytist og verður svohljóðandi: Lágmarkseinkunn í námskeiðum á haustmisseri 1. árs er 5,0. Þeim stúdentum sem þreyta samkeppnispróf á haustmisseri 1. námsárs, og ná tilskilinni lágmarkseinkunn í öllum námskeiðum, er raðað eftir lækkandi heildareinkunn. 120 efstu stúdentarnir fá að halda áfram námi á vormisseri 1. námsárs. Ef tveir eða fleiri stúdentar eru jafnir í síðasta sæti skulu þeir báðir/allir eiga rétt til setu á vormisseri 1. námsárs. 3. gr. 1. mgr. 4. gr. breytist og verður svohljóðandi: Prófað verður úr fimm námskeiðum. Vægi þeirra er ákveðið af deildarfundi að fengnum tillögum námsnefndar og er sem hér segir: Líffærafræði | 20% | Félagsfræði | 20% | Lífefnafræði | 20% | Sálarfræði | 20% | Heimspekileg forspjallsvísindi | 20% |
4. gr. Gildistaka. Reglur þessar eru settar af háskólaráði skv. heimild í 3. mgr. 11. gr. laga nr. 85/2008, um opinbera háskóla og öðlast þegar gildi. Háskóla Íslands, 27. ágúst 2009. Kristín Ingólfsdóttir. Þórður Kristinsson. |