Bæjarstjórn Mosfellsbæjar hefur skv. 2. mgr. 26. gr. skipulags- og byggingarlaga þann 10. júní 2009 samþykkt breytingar á deiliskipulagi Álafosskvosar, síðast breyttu 16. janúar 2008. Helstu breytingar eru þær að gatnatenging við Helgafellsveg færist austar, mörk skipulagssvæðis breytast, lóðarmörk eru skilgreind upp á nýtt og nýting bygginga endurskoðuð. Jafnframt eru götur, torg og gönguleiðir leiðrétt samkvæmt nýjustu upplýsingum og almenn bílastæði endurskoðuð.
Deiliskipulagsbreytingin hefur hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast hún þegar gildi. Við gildistöku hennar fellur úr gildi eldra deiliskipulag, samþykkt 4. desember 1997, með síðari breytingum.

Finnur Birgisson skipulagsfulltrúi.