Bæjarstjórn Mosfellsbæjar hefur þann 23. maí 2007 í samræmi við 25. gr. skipulags- og byggingarlaga samþykkt deiliskipulag frístundalóðar í landi Miðdals II sunnan Krókatjarnar, landnúmer 192804. Deiliskipulagið gerir ráð fyrir því að á lóðinni sem er um 1,1 ha að stærð, megi reisa tvö frístundahús, hvort um sig allt að 110 m² að stærð, auk 20 m² geymsluhúss. Þá hefur bæjarstjórn Mosfellsbæjar þann 20. júní 2007 í samræmi við 1. mgr. 26. gr. skipulags- og byggingarlaga samþykkt breytingar á deiliskipulagi Krikahverfis, sem m.a. felast í gerð hringtorgs þar sem hverfið tengist Hafravatnsvegi, breyttri legu Sunnukrika á kafla og nýrri lóð fyrir bensínstöð milli Sunnukrika og Hafravatnsvegar. Breyttur deiliskipulagsuppdráttur Krikahverfis inniheldur ennfremur eftirtaldar breytingar, sem hlotið hafa málsmeðferð skv. 2. mgr. 26. gr. skipulags- og byggingarlaga: Litlikriki 21, byggingarreitur stækkaður, samþykkt í bæjarstjórn 18. október 2006. Litlikriki 25, byggingarreitur stækkaður, samþykkt í bæjarstjórn 29. nóvember 2006. Stórikriki 58, breytt húsgerð og heimiluð aukaíbúð, samþykkt í bæjarstjórn 20. desember 2006. Stórikriki 56, breytt húsgerð og heimiluð aukaíbúð, samþykkt í bæjarstjórn 28. febrúar 2007. Stórikriki 59, breytt húsgerð, samþykkt í bæjarstjórn 28. febrúar 2007. Ofangreind deiliskipulagsáætlun frístundalóðar og breytingar á deiliskipulagi Krikahverfis hafa hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast þær þegar gildi. F.h. Mosfellsbæjar, 7. ágúst 2007 Finnur Birgisson skipulagsfulltrúi. |