Bæjarstjórn Mosfellsbæjar hefur 26. júní 2013 og 28. ágúst 2013 í samræmi við skipulagslög nr. 123/2010 samþykkt tillögur að breytingum á eftirtöldum deiliskipulagsáætlunum: Á deiliskipulagi íbúðarsvæðis í Leirvogstungu, sem var upphaflega samþykkt 28. mars 2007 og síðast breytt 2. mars 2011. Helstu breytingar á deiliskipulaginu eru þær, að reiðleið færist vestur fyrir tengiveg vestan hverfisins (Tunguveg), tengivegurinn færist um allt að 10 m til vesturs á kafla syðst og um 6-12 m til austurs á kafla nyrst, auk ýmissa smærri breytinga á lóðarmörkum, húsgerðum og skilmálum fyrir einstakar lóðir. Málsmeðferð var skv. 1. mgr. 43. gr. skipulagslaga, breytingin var samþykkt í bæjarstjórn 26. júní 2013. Á deiliskipulagi 6 frístundalóða í Miðdalslandi, upphaflega samþykktu 21. janúar 2009. Breytingin er sú, að byggingarreitur á lóð með landnúmeri 219987 færist norðar og austar á lóðina. Málsmeðferð var skv. 2. mgr. 43. gr. skipulagslaga, breytingin var samþykkt í bæjarstjórn 28. ágúst 2013. Ofangreindar breytingar á deiliskipulagsáætlunum hafa hlotið málsmeðferð samkvæmt 43. gr. laga nr. 123/2010 og öðlast þær þegar gildi. F.h. Mosfellsbæjar, 24. september 2013, Finnur Birgisson skipulagsfulltrúi. |