Samkvæmt 19. gr. skipulags- og byggingarlaga nr. 73/1997 hefur umhverfisráðherra þann 23. febrúar 2010 staðfest aðalskipulag Sveitarfélagsins Voga 2008-2028.
Samkvæmt fyrirliggjandi gögnum hefur málsmeðferð verið í samræmi við skipulags- og byggingarlög nr. 73/1997 og Skipulagsstofnun yfirfarið erindið og sent ráðherra til staðfestingar.
Aðalskipulagið öðlast þegar gildi. Jafnframt fellur úr gildi aðalskipulag Vatnsleysustrandarhrepps 1994-2014 frá 16. nóvember 1994, með síðari breytingum. Umhverfisráðuneytinu, 23. febrúar 2010. Svandís Svavarsdóttir. Logi Kjartansson. |