1. gr. Í stað viðbætis A við II. viðauka reglugerðarinnar kemur eftirfarandi: Listi yfir CRM-efni og leyfða notkun þeirra í samræmi við 4., 5. og 6. lið 3. hluta. Efni | Flokkun | Leyfð notkun | Nikkel | CMR 2 | Í leikföngum og íhlutum leikfanga gerðum úr ryðfríu stáli.
Í íhlutum leikfanga sem ætlað er að leiða rafmagn. |
2. gr. Í stað viðbætis C við II. viðauka reglugerðarinnar kemur eftirfarandi: Sértæk viðmiðunarmörk fyrir íðefni sem notuð eru í leikföng,
sem eru ætluð börnum yngri en 36 mánaða eða önnur leikföng
sem gert er ráð fyrir að notendur setji upp í sig, sem samþykkt
eru í samræmi við 2. mgr. 46. gr. tilskipunar 2009/48. Efni | CAS-númer | Viðmiðunarmörk | TCEP | 115-96-8 | 5 mg/kg (viðmiðunarmörk) | TCPP | 13674-84-5 | 5 mg/kg (viðmiðunarmörk) | TDCP | 13674-87-8 | 5 mg/kg (viðmiðunarmörk) | Bisfenol A | 80-05-7 | 0,1 mg/l (flæðimörk) í samræmi við aðferðirnar sem mælt er fyrir um EN 71-10:2005 og EN 71-11:2005 |
3. gr. Við 30. gr. reglugerðarinnar koma þrír nýir stafliðir, svohljóðandi: Tilskipun framkvæmdastjórnarinnar 2014/79/ESB um breytingu á viðbæti C við II. viðauka við tilskipun Evrópuþingsins og ráðsins 2009/48/EB um öryggi leikfanga, að því er varðar TCEP, TCPP og TDCP, eins og hún var tekin upp í samninginn um Evrópska efnahagssvæðið með ákvörðun sameiginlegu EES-nefndarinnar nr. 276/2014, frá 12. desember 2014. Bíður birtingar í EES-viðbæti við Stjórnartíðindi Evrópusambandsins. Tilskipun framkvæmdastjórnarinnar 2014/81/ESB um breytingu á viðbæti C við II. viðauka við tilskipun Evrópuþingsins og ráðsins 2009/48/EB, um öryggi leikfanga, að því er varðar bisfenol A, eins og hún var tekin upp í samninginn um Evrópska efnahagssvæðið með ákvörðun sameiginlegu EES-nefndarinnar nr. 278/2014, frá 12. desember 2014. Bíður birtingar í EES-viðbæti við Stjórnartíðindi Evrópusambandsins. Tilskipun framkvæmdastjórnarinnar 2014/84/ESB um breytingu á viðbæti A við II. viðauka við tilskipun Evrópuþingsins og ráðsins 2009/48/EB um öryggi leikfanga, að því er varðar nikkel, eins og hún var tekin upp í samninginn um Evrópska efnahagssvæðið með ákvörðun sameiginlegu EES-nefndarinnar nr. 278/2014. Bíður birtingar í EES-viðbæti við Stjórnartíðindi Evrópusambandsins.
4. gr. Lagastoð og gildistaka. Reglugerð þessi er sett með heimild í 10. gr. og 3. mgr. 13. gr., sbr. 3. mgr. 27. gr. laga nr. 134/1995, um öryggi vöru og opinbera markaðsgæslu, með síðari breytingum, og öðlast hún þegar gildi. Innanríkisráðuneytinu, 17. febrúar 2015. Ólöf Nordal. Ragnhildur Hjaltadóttir. |