Bæjarstjórn Mosfellsbæjar hefur þann 13. desember 2006 í samræmi við 25. gr. skipulags- og byggingarlaga samþykkt deiliskipulag íþróttasvæðis við Varmá. Helstu breytingar samkvæmt skipulaginu miðað við núverandi stöðu eru annars vegar þær, að markaðir eru byggingarreitir fyrir nýtt anddyri við íþróttamiðstöð og stækkanir vallarhúss og stúku við aðalvöll, og hins vegar er gerð grein fyrir nýjum gervigrasvelli og tilheyrandi mannvirkjum á suðausturhluta svæðisins.
Deiliskipulagið hefur hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast það þegar gildi.

Finnur Birgisson skipulagsfulltrúi.