Sé munur á uppsetningu texta hér að neðan og í PDF skjali gildir PDF skjalið.  367/2009
Nr. 367/2009	27. mars 2009
REGLUR
um bann við netaveiði göngusilungs við Faxaflóa.
1. gr. Bönnuð er netaveiði göngusilungs í sjó árin 2009 og 2010 frá og með 10. júní til og með 10. ágúst með strandlengju í Mýra- og Borgarfjarðarsýslu frá friðunarsvæði Hítarár í norðri að Suðurflös á Akranesi í suðri. 2. gr. Brot á ákvæðum þessara reglna varða sektum samkvæmt lögum nr. 61/2006 um lax- og silungsveiði með síðari breytingum. Með mál út af brotum skal fara að hætti opinberra mála. 3. gr. Reglur þessar eru settar samkvæmt heimild í 5. mgr. 15. gr. laga nr. 61/2006 um lax- og silungveiði með síðari breytingum og öðlast þegar gildi. Koma þær í stað reglna nr. 372/2004 um sama efni. 4. gr. Til viðbótar þeim takmörkunum, sem hér eru settar, skal vakin athygli á því að allar neta­veiðar á silungi í sjó eru óheimilar frá kl. 22.00 á föstudagskvöldi til kl. 10.00 á þriðjudags­morgni á löglegum veiðitíma yfir sumarið samkvæmt 2. mgr. 18. gr. ofan­greindra laga. Reykjavík, 27. mars 2009. Þórður Ásgeirsson fiskistofustjóri. Árni Ísaksson, lax- og silungsveiðisvið.
B-deild - Útgáfud.: 15. apríl 2009

Til baka