Með vísan til gr. 6.3 í samningi um starfsskilyrði sauðfjárræktar frá 25. janúar 2007 og 37. gr. laga um framleiðslu, verðlagningu og sölu á búvörum nr. 99/1993, með áorðnum breytingum, hefur sjávarútvegs- og landbúnaðarráðherra staðfest verklagsreglur Bændasamtaka Íslands um úthlutun bústofnskaupastyrkja til frumbýlinga sem settar voru með heimild í gr. 4.5 í samningi um starfsskilyrði sauðfjárræktar frá 25. janúar 2007, og voru samþykktar af stjórn Bændasamtaka Íslands 17. nóvember 2010 til að öðlast gildi við staðfestingu ráðherra. Verklagsreglurnar eru birtar sem fylgiskjal með auglýsingu þessari. Með þessari auglýsingu falla brott eldri verklagsreglur um úthlutun bústofnskaupastyrkja til frumbýlinga sem birtar voru í B-deild Stjórnartíðinda með auglýsingu nr. 22/2009. Sjávarútvegs- og landbúnaðarráðuneytinu, 19. nóvember 2010. F. h. r. Ólafur Friðriksson. Arnór Snæbjörnsson. Fylgiskjal.
(sjá PDF-skjal) |