Samkvæmt heimild í 81. gr. umferðarlaga nr. 50/1987, með síðari breytingum, og að fengnum tillögum umhverfis- og samgöngusviðs Reykjavíkurborgar hefur lögreglustjórinn á höfuðborgarsvæðinu ákveðið eftirfarandi:

1. Að U-beygjubann verði á Snorrabraut við Bergþórugötu þegar ekið er til suðurs.
2. Að einstefna verði í Mjóstræti til norðurs frá Bröttugötu að innkeyrslu að bílastæði á lóð Mjóstrætis 8.
3. Að bann verði við akstri hópbifreiða á Þórsgötu.
4. Að afmarkað verði skammtímastæði fyrir eina hópbifreið við suðurkant Njarðar­götu, neðan við Þórsgötu. Tímatakmörkun til að leggja hópbifreið verði 15 mínútur.
5. Að afmarkað verði skammtímastæði fyrir hópbifreiðar í Lækjargötu á móts við Vonarstræti. Tímatakmörkun til að leggja hópbifreið verði 15 mínútur.

Ákvörðun þessi tekur gildi við birtingu auglýsingarinnar.