1. gr. 2. mgr. 2. gr. reglugerðarinnar orðast svo:
Umsækjandi um leyfi skal í umsókn greina hvenær hann muni hefja grásleppuveiðar með lagningu neta ásamt því að tilgreina fjölda neta og teinalengd nets. Hver bátur getur einungis haft eitt grásleppuveiðileyfi á hverri grásleppuvertíð. 2. gr. 1. mgr. 9. gr. reglugerðarinnar orðast svo:
Að hámarki er hverjum bát heimilt að hafa samanlagða teinalengd neta allt að 7.500 metra á vertíð. Netalengd miðast við teinalengd. Hverjum bát er einungis heimilt að nota net sömu teinalengdar á hverri grásleppuvertíð. 3. gr. Reglugerð þessi er sett samkvæmt lögum nr. 79/1997, um veiðar í fiskveiðilandhelgi Íslands, með síðari breytingum og lögum nr. 116/2006, um stjórn fiskveiða, með síðari breytingum. Reglugerðin tekur þegar gildi. Atvinnuvega- og nýsköpunarráðuneytinu, 21. febrúar 2014. F. h. sjávarútvegs- og landbúnaðarráðherra,
Jóhann Guðmundsson. Baldur P. Erlingsson. |