1. gr.
Eftirfarandi breytingar verða á 29. gr.:
- Síðasti málsliður 1. mgr. fellur brott.
- Á eftir 3. mgr. bætist við ný málsgrein, svohljóðandi:
Stundakennarar við Háskóla Íslands sinna kennslu og námsmati í samræmi við reglur Háskólans og viðkomandi deildar þar um. Skal stundakennsla ekki vera aðalstarf og starfshlutfall stundakennara að hámarki 49%. Gera skal skriflegt samkomulag um ráðningu og ráðningarkjör stundakennara sem og kennslu og námsmat í upphafi misseris og til misseris í senn. Settar skulu verklagsreglur um almennt hæfi stundakennara við Háskóla Íslands og ferli við ráðningu þeirra, sem forseti fræðasviðs taki mið af við framkvæmd ráðningar.
2. gr.
Reglur þessar, sem samþykktar hafa verið í háskólaráði Háskóla Íslands, eru settar í samræmi við lög nr. 85/2008 um opinbera háskóla og öðlast þegar gildi.
Háskóla Íslands, 19. apríl 2016.
Jón Atli Benediktsson.
Halldór Jónsson.
|