Bæjarstjórn Mosfellsbæjar hefur samþykkt eftirtaldar breytingar á deiliskipulagi 1. og 2. áfanga Helgafellshverfis eftir meðferð samkvæmt 1. mgr. 43. gr. skipulagslaga nr. 123/2010:
Gerplustræti 2-4, 1. áfangi. Breytingar felast í fjölgun íbúða úr 26 í 31, fækkun stigahúsa í nyrðra húsi úr tveimur í eitt, tilslökun á kröfum um bílastæði þannig að fyrir hverja íbúð 70 m² og minni skuli vera 1,5 stæði innan lóðar sem megi öll vera ofanjarðar. Sýndir eru byggingarreitir fyrir bílakjallara og lóðin stækkuð um 47 m². Breytingin var samþykkt í bæjarstjórn 26. ágúst 2015.
Ástu Sólliljugata 30-32, 2. áfangi. Breytingar felst í því að á lóðinni verði byggt þriggja íbúða raðhús, ein hæð og kjallari/jarðhæð, í stað parhúss. Breytingin var samþykkt í bæjarstjórn 23. september 2015.
Ofangreindar breytingar á deiliskipulagi hafa hlotið tilskilda meðferð samkvæmt skipulagslögum og öðlast þær þegar gildi.
F.h. Mosfellsbæjar, 27. apríl 2016,
Finnur Birgisson skipulagsfulltrúi.
|