1. gr.

Við 27. gr. bætist ný málsgrein svohljóðandi:

Eindregið er mælt með að umsækjendur um nám í lífeinda- og sameindalíffræði, sem er sameiginlega á ábyrgð raunvísindadeildar og líf- og umhverfisvísindadeildar, hafi lokið 21 einingu í stærðfræði og 30 einingum í raungreinum, þar af a.m.k. 6 einingum í eðlisfræði, 6 einingum í efnafræði og 6 einingum í líffræði.

2. gr.

Reglur þessar, sem háskólaráð Háskóla Íslands hefur samþykkt, að fengnum tillögum stjórnar verkfræði- og náttúruvísindasviðs, eru settar samkvæmt heimild í 18. gr. laga nr. 85/2008 um opinbera háskóla. Reglurnar taka þegar gildi og verður þeim beitt við inntöku stúdenta frá og með háskólaárinu 2011-2012.