1. gr. 2. mgr. greinar 2.3 orðast svo: Í öðru lagi felur stjórnun í sér verkefni á vegum fræðasviðs, deildar eða námsleiðar sem mönnum er falið eða þeir eru kjörnir til að sinna tímabundið og um gilda ákvæði sameiginlegra reglna Háskóla Íslands. 2. gr. b) liður greinar 3.1 í 3. gr. orðast svo: Starfsskyldur lektora og dósenta í hálfu starfi eða meira skiptast almennt í 48% kennslu, 40% rannsóknir og 12% stjórnun. 3. gr. I. liður greinar 3.2 í 3. gr. ásamt fyrirsögn orðast svo: I. | Hlutfallsleg aukning kennsluskyldu. | A. | Hlutfallsleg aukning kennsluskyldu umfram almennar starfsskyldur byggir á meðaltalsrannsóknavirkni síðasta árs, síðustu þriggja ára eða síðustu fimm ára eftir því hvað er hagstæðast fyrir viðkomandi. | | | 1. | Lektorar, dósentar og prófessorar í fullu starfi með færri en 10 rannsóknastig að meðaltali síðustu eitt, þrjú eða fimm ár fá hlutfallslega aukningu í kennsluskyldu sbr. töflu A. Aðjúnktar í fullu starfi með færri en 7 rannsóknastig að meðaltali síðustu eitt, þrjú eða fimm ár fá á sama hátt hlutfallslega aukningu í kennsluskyldu sbr. töflu B. | | | 2. | Taka skal tillit til starfshlutfalls og rannsóknaskyldu í hverju tilviki þegar vikið er frá almennum reglum. | | | 3. | Taka skal tillit til breytinga á starfsskyldum vegna töku fæðingarorlofs, veikinda eða slysa, sbr. gildandi reglur þar um. | | | 4. | Ekki skal auka hlutfall kennsluskyldu fyrstu fimm árin í starfi hjá Háskóla Íslands. | | | 5. | Ekki skal auka hlutfall kennsluskyldu prófessora sem eru 55 ára og eldri. |
Hlutfallslega aukin kennsluskylda samkvæmt lið A er eins og fram kemur í töflum A og B þegar um fullt starf er að ræða. Tafla A
Rannsóknavirkni,
3 ára meðaltal | | Tafla B
Rannsóknavirkni,
3 ára meðaltal | Prófessorar
Lektorar og dósentar
í fullu starfi | | Aðjúnktar, fullt starf | Rannsóknastig | Kennsluskylda | | Rannsóknastig | Kennsluskylda | 9 | 49% | | 6 | 66% | 8 | 50% | | 5 | 67% | 7 | 51% | | 4 | 68% | 6 | 52% | | 3 | 69% | 5 | 53% | | 2 | 70% | 4 | 54% | | 1 | 71% | 3 | 55% | | 0 | 72% | 2 | 56% | | | | 1 | 57% | | | | 0 | 58% | | | |
B. | Þrátt fyrir lið A getur kennari óskað eftir því að auka kennsluskyldu sína á kostnað rannsóknaskyldu. Þá getur forseti fræðasviðs við sérstakar aðstæður, t.d. vegna tímabundins álags, skorts á kennslukrafti, veikinda eða fjarvista af öðrum toga, ákveðið í samráði við deildarforseta og viðkomandi kennara að hann auki kennsluskyldu sína tímabundið á kostnað rannsóknaskyldu. Breytingar af þessu tagi skulu ekki hafa í för með sér að laun verði lægri en ef aukin kennsla væri unnin í yfirvinnu. Ennfremur getur rektor kallað starfsmann tímabundið til sérstakra starfa og breytast þá starfsskyldur hans eftir samkomulagi. |
Um hlutfallslega aukna kennsluskyldu skv. liðum A og B gildir eftirfarandi:
| | - | Stjórnunarskylda helst óbreytt en rannsóknaskylda minnkar að sama skapi og kennsluskyldan eykst. | | | - | Yfirvinnuþak vegna kennslu breytist ekki. | | | - | Kennslustigum fjölgar um 0,5 stig á ári fyrir hvern hundraðshluta sem kennsluskyldan eykst af heildarvinnuskyldu. |
4. gr. Aftast í 3. gr. bætist við nýr liður, III. liður, sem ásamt fyrirsögn orðast svo: III. | Tímabundin aukin rannsóknaskylda. |
Forseta fræðasviðs er heimilt að færa vinnuskyldu kennara við fræðasviðið tímabundið frá kennslu til rannsókna að fenginni úthlutun úr sérstökum sjóði sbr. reglur um árangurstengda tilfærslu starfsþátta.5. gr. 1. mgr. ákvæðis til skýringa orðast svo: Með stjórnun í tengslum við rannsóknir og kennslu, sbr. 2. gr., er t.d. átt við samskipti við nemendur, sem þó ekki tengjast beint kennslu viðkomandi kennara, undirbúning kennsluskrár, þátttöku í fundum stjórnar fræðasviðs og deildarfundum, auk setu í nefndum á vegum fræðasviðs eða deildarinnar. Gert er ráð fyrir því að forseti fræðasviðs geti falið einstökum kennurum stjórnunarverkefni á vegum fræðasviðs og deildarforseti geti, í umboði deildarfundar, falið einstökum kennurum stjórnunarverkefni á vegum deildar. Dæmi um verkefni á vegum fræðasviðs/deildar sem menn eru kjörnir til að sinna tímabundið eru starf deildarforseta, varadeildarforseta og forstöðumanns stofnunar. 6. gr. Reglur þessar, sem samþykktar hafa verið í háskólaráði Háskóla Íslands, eru settar samkvæmt heimild í 5. mgr. 15. gr. laga nr. 85/2008 um opinbera háskóla. Reglurnar taka þegar gildi. Úr gildi falla reglur Háskóla Íslands um aldurs- og árangurstengda tilfærslu starfsþátta kennara við 55 og 60 ára aldur nr. 839/2002, sbr. ákvörðun háskólaráðs frá 18. desember 2008. Háskóla Íslands, 25. nóvember 2009. Kristín Ingólfsdóttir. Þórður Kristinsson. |