1. gr. Á grundvelli heimildar í 1. mgr. 7. gr. laga nr. 160/2010 um mannvirki hefur bæjarstjórn Fjallabyggðar ákveðið að í sveitarfélaginu starfi byggingarnefnd. Skipulags- og umhverfisnefnd Fjallabyggðar fer með verkefni byggingarnefndar í samræmi við ákvæði samþykktar nr. 470/2014 um stjórn Fjallabyggðar. 2. gr. Útgáfa byggingarleyfis af hálfu byggingarfulltrúa vegna allra mannvirkjagerða er háð því skilyrði að skipulags- og umhverfisnefnd fjalli um og samþykki byggingarleyfisumsókn. 3. gr. Samþykkt þessi, sem bæjarstjórn Fjallabyggðar hefur sett samkvæmt ákvæðum 7. gr. laga um mannvirki, nr. 160/2010, staðfestist hér með til að öðlast þegar gildi. Umhverfis- og auðlindaráðuneytinu, 26. maí 2014. F. h. r. Steinunn Fjóla Sigurðardóttir. Hafsteinn Pálsson. |