Bæjarstjórn Mosfellsbæjar hefur þann 23. apríl 2014 í samræmi við 2. mgr. 43. gr. skipulagslaga nr. 123/2010 samþykkt tillögu að óverulegri breytingu á deiliskipulagi minkabúsins Dalsbús í Helgadal. Tillagan var grenndarkynnt 3. mars til 2. apríl 2014 og barst ein athugasemd.
Breytingar á deiliskipulaginu eru einkum þær, að afmörkun lands Dalsbús breytist til samræmis við nýtt mæliblað og samkomulag landeigenda, og að byggingarreitur minkabús stækkar lítillega til vesturs.
Deiliskipulagsbreytingin hefur hlotið þá meðferð sem lög nr. 123/2010 mæla fyrir um og öðlast hún þegar gildi.

Finnur Birgisson skipulagsfulltrúi.