1. gr.

Á eftir 1. mgr. 7. gr. bætist við ný málsgrein, svohljóðandi:

Háskólaráð skipar hugverkanefnd Háskóla Íslands og Landspítala samkvæmt tilnefn­ingum háskólarektors sem tilnefnir tvo og forstjóra Landspítala sem tilnefnir einn. Háskólaráð og forstjóri Landspítala setja nefndinni erindisbréf og staðfesta starfsreglur nefndarinnar.

2. gr.

1. mgr. 123. gr. orðast svo:

Iðnaðarverkfræði-, vélaverkfræði- og tölvunarfræðideild veitir kennslu sem hér segir:

1. Til BS-prófs í efnaverkfræði, hugbúnaðarverkfræði, iðnaðarverkfræði, tölvunar­fræði, vélaverkfræði og véla- og iðnaðarverkfræði.
2. Til meistaraprófs, MS-prófs, í eftirtöldum greinum verkfræði: Fjármálaverkfræði, hugbúnaðarverkfræði, iðnaðarverkfræði, lífverkfræði, reikniverkfræði, tölvunar­fræði og vélaverkfræði. Enn fremur til MS-prófs í lífupplýsingafræði í samstarfi við líf- og umhverfisvísindadeild.
3. Til doktorsprófs, Ph.D.-prófs, í hugbúnaðarverkfræði, iðnaðarverkfræði, líf­verk­fræði, reikniverkfræði, tölvunarfræði og vélaverkfræði, auk lífupplýs­ingafræði í samstarfi við líf- og umhverfisvísindadeild.
4. Enn fremur veitir deildin kennslu til meistaraprófs í umhverfis- og auðlindafræði og öðrum þverfræðilegum greinum í samvinnu við aðrar háskóladeildir, þar sem nauðsynleg aðstaða er fyrir hendi.

3. gr.

Eftirfarandi breytingar verða á 128. gr.:

1. Aftast í upptalningu í b-lið 1. mgr., um kennslugreinar til MS-prófs, bætist: auk líf­upplýsingafræði í samstarfi við iðnaðarverkfræði, vélaverkfræði og tölvunar­fræði­deild.
2. Aftast í upptalningu í d-lið 1. mgr., um kennslugreinar til doktorsprófs, bætist: auk lífupplýsingafræði í samstarfi við iðnaðarverkfræði, vélaverkfræði og tölvunar­fræði­deild.

4. gr.

Eftirfarandi breytingar verða á 132. gr.:

1. Aftast í upptalningu í b-lið 1. mgr., um kennslugreinar til MS-prófs, bætist: töl­fræði.
2. Aftast í upptalningu í d-lið 1. mgr., um kennslugreinar til doktorsprófs, bætist: töl­fræði.

5. gr.

Reglur þessar, sem samþykktar hafa verið í háskólaráði Háskóla Íslands, eru settar á grundvelli laga nr. 85/2008 um opinbera háskóla og öðlast þegar gildi.