Bæjarstjórn Mosfellsbæjar hefur þann 7. nóvember 2007 í samræmi við 2. mgr. 26. gr. skipulags- og byggingarlaga samþykkt eftirtaldar tvær breytingar á deiliskipulagi:

Breyting á „deiliskipulagi frá Reykjalundarvegi að Húsadal,“ sem felst einkum í því að Engjavegur styttist um u.þ.b. 40 m, en syðstu lóðirnar við hann fá aðkomu um akfæran stíg.

Breyting á deiliskipulagi 2. áfanga Helgafellshverfis, sem felst í því að sett er inn á skipulagið lóð fyrir spennistöð í suðurhorni lóðar nr. 10 við Efstaland.

Deiliskipulagsbreytingar þessar hafa hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast þær þegar gildi.

Finnur Birgisson skipulagsfulltrúi.