1. gr. Í stað 2. málsl. 1. mgr. 3. gr. koma tveir nýir málsliðir, svohljóðandi: Slík tilkynning skal vera í samræmi við ákvæði 13. og 44. gr. laga nr. 21/1991 um gjaldþrotaskipti o.fl. Tilkynninguna skal einnig birta í Stjórnartíðindum Evrópusambandsins og a.m.k. tveimur innlendum dagblöðum í öllum ríkjum á Evrópska efnahagssvæðinu. 2. gr. Reglugerð þessi er sett með stoð í 3. og 4. mgr. 99. gr. laga nr. 161/2002, um fjármálafyrirtæki, með síðari breytingum, og öðlast þegar gildi. Frá sama tíma fellur úr gildi reglugerð nr. 1049/2008, um breytingu á reglugerð um tilkynningu og birtingu ákvarðana um endurskipulagningu fjárhags og slit lánastofnana, nr. 872/2006. Fjármála- og efnahagsráðuneytinu, 22. júlí 2013. F. h. r. Kjartan Gunnarsson. Hafdís Ólafsdóttir. |