Bæjarstjórn Mosfellsbæjar hefur þann 28. janúar 2015 í samræmi við 2. mgr. 43. gr. skipulagslaga nr. 123/2010 samþykkt tillögu að óverulegri breytingu á deiliskipulagi sem varðar lóðirnar nr. 47 og 49 við Kvíslartungu. Tillagan var grenndarkynnt 27. nóvember til 29. desember 2014 og bárust ekki athugasemdir. Í breytingunni felst að íbúðarhluti parhúsa á lóðunum lækkar og verður ein hæð í stað tveggja. Deiliskipulagsbreytingin hefur hlotið þá meðferð sem lög nr. 123/2010 mæla fyrir um og öðlast hún þegar gildi. F.h. Mosfellsbæjar, 11. febrúar 2015, Finnur Birgisson skipulagsfulltrúi. |