1. gr. Almenn ákvæði. 1.1. | Vegna byggingarleyfis, framkvæmdaleyfis eða vegna annarrar þjónustu sem skipulags- og byggingarfulltrúi veitir, skal greiða þau gjöld sem gjaldskrá þessi kveður á um. | 1.2. | Tekjum sveitarfélagsins skv. gjaldskrá þessari skal varið til að standa undir hluta kostnaðar vegna þjónustu skipulags- og byggingarfulltrúa við viðskiptavini sveitarfélagsins. |
2. gr. Skilgreiningar. 2.1. | Afgreiðslugjald: Gjald sem greiðist við móttöku umsóknar um byggingarleyfi, framkvæmdaleyfi eða skipulagsbreytingu. Í gjaldinu felst kostnaður sveitarfélagsins við móttöku og yfirferð erindisins. | 2.2. | Úttektargjald: Gjald sem greiðist vegna úttektar byggingarfulltrúa á framkvæmdastað. | 2.3. | Umsýslu- og auglýsingakostnaður: Kostnaður sem fellur til innan sveitarfélagsins við afgreiðslu umsóknar, birtingu auglýsinga og annarrar umsýslu. | 2.4. | Breytingakostnaður: Kostnaður sem fellur til innan sveitarfélagsins við gerð nýs deiliskipulags eða breytingar á gildandi aðal- eða deiliskipulagi. |
3. gr. Byggingarleyfisgjald. 3.1. | Byggingarleyfisgjöld eru fyrir veitta þjónustu og verkefni byggingarfulltrúa, meðal annars við undirbúning og útgáfu byggingarleyfis, stöðuleyfis, útmælingu, eftirlit, yfirferð hönnunargagna og vottorð sem byggingarfulltrúi lætur í té. Gjöld miðast við eina yfirferð aðaluppdrátta. | 3.2. | Fyrir byggingarleyfi skal greiða gjöld sem hér segir: |
Afgreiðslugjald | 9.100 kr. | Gjald fyrir hvern m² í nýbyggingu eða viðbyggingu | 250 kr. | Yfirferð aðaluppdrátta | 14.000 kr. | Úttektargjald | 9.100 kr. | Áfangaúttekt/stöðuúttekt, skýrsla | 36.100 kr. | Fokheldisvottorð fyrir frístundahús | 6.300 kr. | Fokheldisvottorð fyrir íbúðarhúsnæði | 12.500 kr. | Fokheldisvottorð fyrir önnur hús | 25.000 kr. | Lokaúttektarvottorð fyrir frístundahús | 12.600 kr. | Lokaúttektarvottorð fyrir íbúðarhúsnæði | 25.300 kr. | Lokaúttektarvottorð fyrir önnur hús | 50.600 kr. | Úttekt vegna meistaraskipta | 36.100 kr. | Úttekt vegna byggingarstjóraskipta | 36.100 kr. | Gjald fyrir útkall þegar verk reynist ekki úttektarhæft | 9.100 kr. | Mæling lóðar | 68.500 kr. | Mæling fyrir húsi á lóð | 59.500 kr. | Aukamæling á útsetningu húss | 59.500 kr. | Stöðuleyfi til hálfs árs, fyrir hverja einingu | 20.000 kr. | Framlenging á stöðuleyfi til hálfs árs, fyrir hverja einingu | 25.000 kr. | Umsýsla vegna stofnunar lóðar eða breytingar á lóð | 14.000 kr. | Húsaleiguúttektir á íbúðarhúsnæði, hvert fastanúmer | 36.100 kr. | Húsaleiguúttektir á atvinnuhúsnæði, hvert fastanúmer | 50.600 kr. | Yfirferð eignaskiptayfirlýsinga, 1-5 fastanúmer í húsi | 18.300 kr. | Viðbót vegna eignaskiptayfirlýsinga, hvert fastanr. umfram 5 í húsi | 4.600 kr. |
3.3. | Fermetragjald skv. gr. 3.2. reiknast af brúttóflatarmáli skv. lokunarflokki A skv. gr. 4.4. í ÍST50. | 3.4. | Stöðuleyfi til hálfs árs er miðað við hverja einingu, þar sem ein eining getur til dæmis verið einn gámur af mörgum í vinnubúðum. Álögð gjöld skv. 51. gr. og 53. gr. laga um mannvirki nr. 160/2010 um veitingu stöðuleyfis skulu greidd áður en leyfi er gefið út. | 3.5. | Byggingarleyfisgjald samkvæmt gjaldskrá þessari skal greiða fyrir útgáfu byggingarleyfis. | 3.6. | Skipulags- og byggingarfulltrúi áætlar fjölda áfangaúttekta við útgáfu byggingarleyfis og leggur á gjöld vegna þeirra við útgáfu byggingarleyfis. | 3.7. | Fyrir yfirferð nýrra eða breyttra hönnunargagna eftir útgáfu byggingarleyfis greiðast 9.100 kr. til 90.700 kr. eftir umfangi. | 3.8. | Vegna aðkeyptrar vinnu við útgáfu byggingarleyfis verður innheimt sérstaklega samkvæmt reikningi hverju sinni. |
4. gr. Kostnaður vegna skipulagsvinnu. 4.1. | Að meginreglu skal sá sem óskar eftir nýju deiliskipulagi eða breytingu á gildandi aðal- eða deiliskipulagi greiða þann kostnað sem verkið hefur í för með sér. Í því felst að umsækjandi greiðir kostnað vegna nýrra uppdrátta, breytinga á uppdráttum, auglýsinga og kynninga vegna málsins. | 4.2. | Skipulagsnefnd getur ákveðið að falla frá gjaldtöku ef skipulagsvinna á vegum sveitarfélagsins er yfirstandandi eða fyrirhuguð á svæðinu eða skipulagsáætlun þarfnast breytinga af öðrum ástæðum, enda hafi það ekki í för með sér viðbótarkostnað fyrir sveitarfélagið. | 4.3. | Ef kostnaður vegna vinnu skipulagsfulltrúa eða aðkeyptrar vinnu er verulega umfram viðmiðunargjald vegna umfangs verksins er heimilt að leggja á til viðbótar tímagjald skipulags- og byggingarfulltrúa sem er 9.000 kr./klst. eða gjald skv. reikningi. | 4.4. | Kostnaður vegna aðalskipulagsbreytinga: |
Afgreiðslugjald | 9.100 kr. | Breyting á aðalskipulagsuppdrætti, sbr. 36. gr. skipulagslaga nr. 123/2010, krafið skv. útlögðum kostnaði, viðmiðunargjald | 9.000 kr./klst. | Umsýslu- og auglýsingakostnaður, sbr. 1. mgr. 36. gr. skipulagslaga nr. 123/2010 | 270.000 kr. | Umsýslu- og auglýsingakostnaður, sbr. 2. mgr. 36. gr. skipulagslaga nr. 123/2010 | 180.000 kr. |
4.5. | Kostnaður vegna nýs deiliskipulags: |
Afgreiðslugjald | 9.100 kr. | Nýtt deiliskipulag, sbr. 2. mgr. 38. gr. skipulagslaga nr. 123/2010, krafið skv. útlögðum kostnaði, viðmiðunargjald | 9.000 kr./klst. | Umsýslu- og auglýsingakostnaður, sbr. 2. mgr. 38. gr. skipulagslaga nr. 123/2010 | 120.000 kr. |
4.6. | Kostnaður vegna verulegra breytinga á deiliskipulagi: |
Breyting á deiliskipulagsuppdrætti, sbr. 1. mgr. 43. gr. skipulagslaga nr. 123/2010, krafið skv. útlögðum kostnaði, viðmiðunargjald | 9.000 kr./klst. | Umsýslu- og auglýsingakostnaður vegna verulegra breytinga, sbr. 1. mgr. 43. gr. skipulagslaga nr. 123/2010 | 120.000 kr. |
4.7. | Kostnaður vegna óverulegra breytinga á deiliskipulagi: |
Breyting á deiliskipulagsuppdrætti, sbr. 2. mgr. 43. gr. skipulagslaga nr. 123/2010, krafið skv. útlögðum kostnaði, viðmiðunargjald | 9.000 kr./klst. | Umsýslu- og auglýsingakostnaður vegna óverulegra breytinga, sbr. 2. mgr. 43. gr. skipulagslaga nr. 123/2010 | 40.000 kr. |
4.8. | Kostnaður vegna grenndarkynningar: |
Umsýslu- og auglýsingakostnaður vegna grenndarkynningar, sbr. 2. mgr. 43. gr. skipulagslaga nr. 123/2010 | 40.000 kr. |
4.9. | Kostnaður vegna meðmæla Skipulagsstofnunar: |
Breyting á fylgigögnum erindis um ósk um meðmæli til Skipulagsstofnunar, sbr. 1. tl. bráðabirgðarákvæðis skipulagslaga nr. 123/2010, viðmiðunargjald | 9.000 kr./klst. | Umsýslu- og póstkostnaður vegna óskar um meðmæli til Skipulagsstofnunar, sbr. 1. tl. bráðabirgðarákvæðis skipulagslaga nr. 123/2010 | 40.000 kr. |
4.10. | Afhending landupplýsinga: |
Umsýslukostnaður | 10.000 kr. |
5. gr. Kostnaður vegna framkvæmdaleyfis. 5.1. | Skipulags- og byggingarfulltrúi áætlar fjölda áfangaúttekta við útgáfu framkvæmdaleyfis og leggur á gjöld vegna þeirra við útgáfu leyfisins. | 5.2. | Framkvæmdaleyfisgjald skal ekki vera hærra en sem nemur kostnaði sveitarfélagsins við undirbúning leyfisins og eftirlit sem skylt er að framkvæma. | 5.3. | Vegna aðkeyptrar vinnu við framkvæmdaleyfi sem nauðsynleg er vegna útgáfu þess skal innheimta sérstaklega samkvæmt reikningi hverju sinni. | 5.4. | Þegar úrskurður um mat á umhverfisáhrifum samkvæmt lögum nr. 106/2000 er nauðsynlegur vegna framkvæmdar, telst kostnaður sveitarfélagsins vegna þeirrar vinnu hluti af útlögðum kostnaði þess við útgáfu framkvæmdaleyfisins. | 5.5. | Fyrir framkvæmdaleyfi skal greiða gjöld sem hér segir: |
Afgreiðslugjald | 9.100 kr. | Framkvæmdaleyfi - framkvæmdir skv. 1. og 2. viðauka laga um mat á umhverfisáhrifum nr. 106/2000, krafið skv. útlögðum kostnaði, viðmiðunargjald | 9.000 kr./klst. | Framkvæmdaleyfi - aðrar framkvæmdir, krafið skv. útlögðum kostnaði, viðmiðunargjald | 9.000 kr./klst. | Eftirlit umfram eina ferð, sem er innifalin í framkvæmdaleyfisgjaldi | 9.100 kr. | Umsýsla og yfirferð gagna | 14.000 kr. | Afgreiðslugjald vegna sérhverrar úttektar | 9.100 kr. | Áfangaúttekt | 36.100 kr. |
6. gr. Gjalddagi, lögveð. 6.1. | Gjalddagi afgreiðslugjalds er við móttöku umsókna. | 6.2. | Gjalddagi þjónustugjalda er við afhendingu gagna eða afgreiðslu erindis. | 6.3. | Byggingarleyfisgjöld skv. 3. gr. skal greiða fyrir útgáfu byggingarleyfis. | 6.4. | Gjöld skv. 4. gr. falla í gjalddaga þegar sveitarstjórn hefur samþykkt erindi umsækjanda um að láta hefja vinnu við nýtt deiliskipulag, breytingu á gildandi aðal- eða deiliskipulagi eða grenndarkynningu. | 6.5. | Framkvæmdaleyfisgjald skv. 5. gr. skal greiða fyrir útgáfu framkvæmdaleyfis. | 6.6. | Gjalddagi annarra leyfisgjalda er við útgáfu leyfis. | 6.7 | Afgreiðslugjöld eru ekki endurkræf þótt umsókn sé synjað, leyfi falli úr gildi eða umsókn dregin til baka. Leyfis- og þjónustugjöld samkvæmt gjaldskrá þessari eru ekki endurkræf þótt ekki verði af framkvæmd. Þó skulu áætluð þjónustugjöld endurgreidd verði ekki af framkvæmdum á gildistíma byggingarleyfis. | 6.8. | Heimilt er að gera skriflegan samning um greiðslur. | 6.9. | Gjöldum samkvæmt gjaldskrá þessari fylgir lögveð í viðkomandi fasteign eða lóð og gjaldfallin gjöld má innheimta með fjárnámi. |
7. gr. Verðlagsbreytingar. 7.1. | Gjöld skv. gjaldskrá þessari miðast við byggingarvísitölu með grunnvísitölu 110,8 stig í ágúst 2011. Gjöldin taka mánaðarlega breytingum í samræmi við breytingar á vísitölunni. Skipulags- og byggingarfulltrúi skal í upphafi hvers mánaðar leggja fram endurskoðaðar fjárhæðir skv. gjaldskrá þessari, í samræmi við auglýsingar Hagstofu Íslands um hver byggingarvísitala er hverju sinni. Endurskoðaðar fjárhæðir gjalda skulu námundaðar í næsta heila hundrað, nema fermetraverð í 3.2 sem skal námundað í næsta heilan tug. |
8. gr. Gildistaka o.fl. 7.1. | Gjaldskrá þessi, sem er samþykkt af sveitarstjórn Hvalfjarðarsveitar í samræmi við lög um mannvirki nr. 160/2010 og skipulagslög nr. 123/2010, tekur gildi við birtingu í B-deild Stjórnartíðinda. | 7.2. | Með samþykkt gjaldskrár þessarar fellur úr gildi gjaldskrá nr. 991 24. ágúst 2011. |
Hvalfjarðarsveit, 30. október 2013. Laufey Jóhannsdóttir sveitarstjóri. |