1. gr.

Eyjafjarðarsveit, Grýtubakkahreppur, Hörgársveit og Svalbarðsstrandarhreppur starf­rækja sameiginlega byggingarnefnd skv. heimild í 7. gr. laga nr. 160/2010 um mannvirki. Starfssvæði byggingarnefndar Eyjafjarðarsvæðis er það svæði sem til aðildar­sveitarfélag­anna heyrir.

2. gr.

Byggingarnefnd Eyjafjarðarsvæðis skal skipuð fimm fulltrúum. Eyjafjarðarsveit tilnefnir tvo aðalmenn og tvo varamenn og Grýtubakkahreppur, Hörgársveit og Svalbarðs­strandar­hreppur tilnefna einn aðalmann hvert sveitarfélag og jafn marga varamenn. Kjörtímabil nefndarinnar er hið sama og kjörtímabil sveitarstjórna.

Byggingarnefndin skal skipta með sér verkum á fyrsta fundi kjörtímabils.

3. gr.

Byggingarnefnd Eyjafjarðarsvæðis starfar skv. lögum nr. 160/2010 um mannvirki og byggingarreglugerð nr. 112/2012. Byggingarnefnd fjallar um umsóknir um byggingarleyfi áður en byggingarleyfi er gefið út og hefur eftirlit með stjórnsýslu byggingarfulltrúa fyrir hönd hlutaðeigandi sveitarstjórna. Skilyrði fyrir útgáfu byggingarleyfis er að bygg­ingar­nefnd hafi veitt henni samþykki sitt.

4. gr.

Samþykkt þessi sem hlotið hefur afgreiðslu sveitarstjórna Eyjafjarðarsveitar, Grýtu­bakka­hrepps, Hörgársveitar og Svalbarðsstrandarhrepps, er sett í samræmi við 7. gr. laga nr. 160/2010 um mannvirki og staðfestist hér með til að öðlast þegar gildi.