1. gr. a-liður 1. mgr. 9. gr. reglugerðarinnar orðast svo: - Yfirstýrimaður á fiskiskipum og öðrum skipum að ótakmarkaðri stærð og farsviði eftir 12 mánaða siglingatíma sem stýrimaður eða skipstjóri á skipum 24 metrar og lengri að skráningarlengd (Skírteini: Ca.).
2. gr. Á eftir a-lið 1. mgr. 9. gr. reglugerðarinnar kemur nýr liður sem verður b-liður og orðast svo: Undirstýrimaður á varðskipum eftir 18 mánaða siglingatíma (Skírteini: Db.).
3. gr. 4. og 5. mgr. II. viðauka reglugerðarinnar orðist svo: Heimilt er að gefa út ný skírteini til skipstjórnarstarfa á varðskipum skv. lögum nr. 30/2007 og þessari reglugerð í stað skírteina skv. lögum sem fallið hafa á brott á þann hátt sem eftirfarandi tafla sýnir: Skírteini | Takmarkanir | Eldra skírteini | Skipherra (EA) | engar | B.5 – 4. stig | Yfirstýrimaður (DA) | engar | B.2 – 3. stig | Undirstýrimaður (DB) | engar | A.5 – 2. stig |
Um lágmarksfjölda skipstjórnarmanna á varðskipum gilda eftirfarandi reglur: Lengd skips | Skipstjórn | < 24 metrar | Skipherra (EA) og stýrimaður (DA) | 24 - 45 metrar | Skipherra (EA), yfirstýrimaður (DA) og undirstýrimaður (CA) | > 45 metrar | Skipstjóri (EA), yfirstýrimaður (DA) og tveir undirstýrimenn (DB) |
4. gr. Gildistaka. Reglugerð þessi er sett samkvæmt heimild í 1., 3. og 4. mgr. 5. gr., 1. og 3. mgr. 6. gr., 3. og 4. mgr. 8. gr. og 1. mgr. 19. gr. laga um áhafnir íslenskra fiskiskipa, varðskipa, skemmtibáta og annarra skipa, nr. 30/2007 og staðfestist hér með til að öðlast þegar gildi og birtist til eftirbreytni öllum þeim sem hlut eiga að máli. Samgöngu- og sveitarstjórnarráðuneytinu, 3. mars 2010. Kristján L. Möller. Ragnhildur Hjaltadóttir. |