Bæjarráð Mosfellsbæjar hefur þann 17. júlí 2008 í samræmi við 2. mgr. 26. gr. skipulags- og byggingarlaga samþykkt breytingu á deiliskipulagi Krikahverfis. Breytingin varðar skólalóð við Sunnukrika, en með henni er breytt aðkomu og bílastæðum, lóð stækkuð til norðausturs og byggingarreit og húshæð breytt, þannig að meginhluti húss verður tvær hæðir í stað einnar áður. Deiliskipulagsbreyting þessi hefur hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast hún þegar gildi. F.h. Mosfellsbæjar, 10. september 2008, Finnur Birgisson skipulagsfulltrúi. |