I. KAFLI

1. gr.

Fyrir skoðanir á skipi og búnaði þess sem Siglingastofnun framkvæmir skal eigandi skips greiða vegna undirbúnings skoðunar, skoðunar og frágangs skjala að skoðun lokinni samkvæmt þjónustugjaldskrá Siglingastofnunar sem birt er á heimasíðu hennar. Jafn­framt skal eigandi skips greiða fargjöld skoðunarmanns Siglingastofnunar, dag­peninga samkvæmt kjarasamningum starfsmanna ríkisins og útselda vinnu á ferða­tíma skoðunarmanns. Ef fleiri en eitt skip eru skoðuð í hverri ferð skoðunarmanns skiptist sameiginlegur kostnaður hlutfallslega.

Fyrir skoðun á notuðum skipum sem fyrirhugað er að flytja til landsins og skrá á íslenska skipaskrá fer með sama hætti og skv. 1. mgr. Fari skoðun fram erlendis er heimilt að innheimta fyrirfram hjá eiganda skips upphæð sem svarar til fargjalda og áætlaðra dag­peninga skoðunarmanna.

Siglingastofnun skal endurkrefja skipseiganda um útlagðan kostnað vegna sérfræði­þjónustu sem stofnunin kaupir vegna skoðunar og eftirlits með skipum og búnaði þeirra.

Fyrir fljótandi ekjubrýr, flotbryggjur og önnur mannvirki á skipaskrá sem ekki eru háð árlegu eftirliti sem og skoðun flotkvía greiðist samkvæmt þjónustugjaldskrá Siglinga­stofnunar Íslands.

2. gr.

Skírteini skv. reglugerð nr. 1017/2003:
Gjald fyrir útgáfu haffærisskírteinis skal vera kr. 5.200
Fyrir útgáfu eftirtalinna skírteina skal greiða kr. 6.900, en fyrir framlengingu eða áritun þeirra greiðist kr. 4.100, en fyrir skoðanir á skipi og búnaði þess, sem Siglingastofnun framkvæmir í tengslum við útgáfu skírteina, greiðist skv. 1. mgr. 1. gr.:

Skírteini skv. reglugerð nr. 122/2004:
Öryggisskírteini fyrir fiskiskip.
Undanþáguskírteini fyrir fiskiskip.
Önnur skírteini.

Skírteini skv. reglugerð nr. 666/2001:
Öryggisskírteini fyrir farþegaskip.
Önnur skírteini.

Skírteini skv. reglugerð nr. 743/2001:
Öryggisskírteini fyrir farþegaskip í millilandasiglingum.
Undanþáguskírteini fyrir farþegaskip í millilandasiglingum.
Önnur skírteini.

Skírteini skv. alþjóðasamningum um öryggi mannslífa á hafinu (SOLAS):
Öryggisskírteini farþegaskips.
Öryggisskírteini flutningaskips (smíði og búnaður, öryggisbúnaður, fjarskiptabúnaður).
Undanþáguskírteini.
ISM DOC skírteini.
ISM SMC skírteini.
Öryggisskírteini fyrir flutningaskip.
Undanþáguskírteini.
Önnur skírteini.

Önnur skírteini:
Alþjóðahleðslumerkjaskírteini.
Undanþáguskírteini vegna hleðslumerkja.
Alþjóðlegt olíumengunarvarnaskírteini.
FESI skírteini.
SOPEP samþykkt öryggisáætlun.
SOPEP samþykki á endurgerðri öryggisáætlun.
AFS skírteini.
DP skírteini.
Alþjóðlegt loftmengunarskírteini (yfirlýsing).
Alþjóðlegt skólpmengunarskírteini (yfirlýsing).

3. gr.

Vegna skipa sem eru í smíðum eða breytingum skal greiða gjald fyrir yfirferð og samþykkt smíðalýsinga og teikninga, skipamælingar, yfirferð stöðugleikagagna, yfirferð hleðslumerkjaútreikninga, hleðslu- og stöðugleikaprófun, eftirlit með smíði eða breytingu skipsins, skoðun á skipi og búnaði þess og skráningu. Gjaldið skal miðast við framlagða vinnu starfsmanna Siglingastofnunar Íslands samkvæmt útseldum taxta stofnunarinnar í þjónustugjaldskrá sem birt er á heimasíðu hennar. Jafnframt skal greiða ferðakostnað og annan útlagðan kostnað Siglingastofnunar Íslands vegna ferðalaga skoðunarmanns vegna smíðinnar eða breytinga. Auk gjalds skal greiða fyrir skírteini og önnur skipsskjöl í samræmi við önnur ákvæði gjaldskrár þessarar.

Gjaldið er innheimt að loknum hverjum verkþætti skv. framangreindri upptalningu.

Fari smíði eða breytingar fram erlendis er heimilt að innheimta fyrirfram hjá eiganda skips upphæð sem svarar til fargjalda og áætlaðra dagpeninga skoðunarmanna.

Lokagreiðsla fer fram við afhendingu skírteina skipsins og skipsskjala. Verkkaupi skipa­smíðar eða breytingar og eigandi skips að smíði eða breytingum loknum eru sameigin­lega ábyrgir fyrir greiðslu gjaldsins.

4. gr.

Fyrir eftirlit með viðgerðum skal greiða gjald sem miðast við framlagða vinnu starfs­manna Siglingastofnunar Íslands skv. þjónustugjaldskrá Siglingastofnunar Íslands sem birt er á heimasíðu hennar.

Fari viðgerð fram erlendis er heimilt að innheimta fyrirfram hjá eiganda skips upphæð sem svarar til fargjalda og áætlaðra dagpeninga skoðunarmanna.

II. KAFLI

5. gr.

Fyrir skráningu skips og útgáfu skipsskjala skal greiða:

Við eigendaskipti og umskráningu skips skulu öll áfallin ógreidd gjöld skv. gjaldskrá þessari greidd að fullu.

Heimilt er að taka hálft gjald fyrir endurútgáfu íslensks mælibréfs og skráningarskírteinis fyrir skip allt að 15 m að mestu lengd ef um eina breytingu er að ræða er varðar mæling­una og útreikninga er ekki þörf.

III. KAFLI

6. gr.

IV. KAFLI

7. gr.

Eigandi köfunarbúnaðar, sem ætlaður er til að nota við köfun í atvinnuskyni, greiðir eftirtalin gjöld fyrir skráningu og skoðun hans:

8. gr.

Vegna próftöku til köfunarréttinda greiðast eftirtalin gjöld:

Próftaki skal greiða kostnað vegna próftöku eða hluta hennar sem fram fer utan stofn­unarinnar og lækka próftökugjöld skv. 1. mgr. til samræmis við þann kostnað.

9. gr.

V. KAFLI

10. gr.

VI. KAFLI

11. gr.

Vegna útgáfu og endurnýjunar skírteina leiðsögumanns og hafnsögumanns greiðast eftirtalin gjöld:

12. gr.

Eigandi skips skal greiða árgjald kr. 9.555 fyrir þjónustu í sjálfvirku tilkynningarkerfi skipa (STK/AIS) til að mæta kostnaði af rekstri þess. Siglingastofnun Íslands getur ákveðið að gjaldið skuli innheimt af vaktstöð siglinga sem annast rekstur kerfisins.

VII. KAFLI

13. gr.

Fyrir úttektir og árlegt eftirlit Siglingastofnunar vegna skipa- og hafnaverndar skal við­komandi útgerðarmaður skips og höfn greiða samkvæmt útseldum taxta starfsmanns Siglinga­stofnunar. Jafnframt skal greiða fargjöld starfsmanns Siglingastofnunar, dagpen­inga samkvæmt kjarasamningum starfsmanna ríkisins og útselda vinnu á ferðatíma.

VIII. KAFLI

14. gr.

IX. KAFLI

15. gr.

Önnur gjöld. Eftirtalin gjöld skulu innheimt af starfsleyfum, farþegaleyfum og viður­kenn­ingar­skírteinum. Þau skulu ekki gefin út nema greidd hafi verið gjöld skv. þessari grein:

* Fyrir skoðanir á skipi, búnaði þess, aðstöðu, fyrirkomulagi og starfsemi og annan undirbúning sem Siglingastofnun framkvæmir í tengslum við útgáfu starfsleyfa greiðist skv. þjónustugjaldskrá Siglingastofnunar Íslands. Jafnframt skal eigandi skips greiða fargjöld skoðunarmanns Siglingastofnunar, dagpeninga samkvæmt kjarasamningum starfsmanna ríkisins og útselda vinnu á ferðatíma skoðunarmanns.

X. KAFLI

16. gr.

Fyrir aðra þjónustu Siglingastofnunar Íslands skal greitt skv. þjónustugjaldskrá stofn­unarinnar. Ef óskað er eftir flýtimeðferð á afgreiðslu skírteina skv. gjaldskrá þessari skal innheimta tvöfalt gjald.

17. gr.

Gjöld samkvæmt reglugerð þessari miðast við að störf hinna fastráðnu starfsmanna Siglingastofnunar Íslands séu unnin á venjulegum skrifstofutíma.

Sé óskað eftir þjónustu utan þess tíma skal að auki greiða fyrir vinnu starfsmanns samkvæmt þjónustugjaldskrá stofnunarinnar.

18. gr.

Gjöld skulu innheimt af Siglingastofnun Íslands eftir reikningum sem hún gefur út í samræmi við gjaldskrá þessa og þjónustugjaldskrá stofnunarinnar.

19. gr.

Gjaldskrá þessi, sem sett er samkvæmt 28. gr. laga um eftirlit með skipum nr. 47/2003, 20. gr. laga um skráningu skipa nr. 115/1985 með síðari breytingum, 9. gr. laga um skipamælingar nr. 146/2002, 14. gr. laga um áhafnir íslenskra farþegaskipa og flutningaskipa nr. 76/2001, með síðari breytingum, 6. gr. laga um köfun nr. 31/1996, 6. gr. laga um lögskráningu sjómanna nr. 35/2010, með síðari breytingum, 3. mgr. 5. gr. og 2. mgr. 17. gr. laga um vaktstöð siglinga nr. 41/2003, 3. gr. a laga um Siglingastofnun Íslands nr. 6/1996, með síðari breytingum, 1. mgr. 10. gr. laga um siglingavernd, nr. 50/2004 og 18. gr. laga um áhafnir íslenskra fiskiskipa, varðskipa, skemmtibáta og annarra skipa nr. 30/2007, öðlast þegar gildi. Frá sama tíma fellur úr gildi gjaldskrá Siglingastofnunar Íslands, nr. 815/2011.