Lögum samkvæmt ákveður og auglýsir fjármálaráðuneytið árlega innheimtuhlutfall í staðgreiðslu sem er samanlagt hlutfall tekjuskatts samkvæmt lögum nr. 90/2003, um tekjuskatt og meðalhlutfall útsvars eins og það er samkvæmt ákvörðunum sveitarstjórna, sbr. lög nr. 4/1995, um tekjustofna sveitarfélaga. Tekjuskattshlutfall á árinu 2009 verður 24,1%. Meðalútsvar á árinu 2009 samkvæmt fyrirliggjandi ákvörðunum sveitarstjórna verður 13,1%. Innheimtuhlutfall í staðgreiðslu á árinu 2009 verður því 37,2%. Fjármálaráðuneytinu, 30. desember 2008. F. h. r.
Baldur Guðlaugsson. Ingibjörg Helga Helgadóttir. |