Að fenginni samþykkt bæjarstjórnar Vestmannaeyja og samkvæmt heimild í 81. gr. umferðarlaga nr. 50 frá 1987 eru hér með settar eftirfarandi reglur um umferð í Vestmannaeyjum: - Ráðhúströð frá Kirkjuvegi að Skólavegi verði gerð að vistgötu með hámarkshraða 15 km/klst.
- Hámarkshraði við eftirtaldar götur verði 30 km/klst.:
Búhamar Bessahraun Brekastígur Bessastígur Boðaslóð Vallargata Hásteinsvegur, frá Skólavegi að Heiðarvegi
Með auglýsingu þessari eru numin úr gildi þau ákvæði eldri auglýsinga um umferð í Vestmannaeyjum sem brjóta í bága við auglýsingu þessa. Ákvörðun þessi tekur þegar gildi. Sýslumaðurinn í Vestmannaeyjum, 12. september 2006. Karl Gauti Hjaltason. |