Bæjarstjórn Mosfellsbæjar hefur í samræmi við 25. og 26. gr. skipulags- og byggingarlaga nr. 73/1997 samþykkt eftirtaldar deiliskipulagsáætlanir og breytingar á deiliskipulagi:

Deiliskipulag Bókfells við Helgadalsveg. Nýtt deiliskipulag.
Skipulagssvæðið sem er úr Hraðastaðalandi er 1,18 ha að stærð og gerir tillagan ráð fyrir að það verði nýtt til íbúðar og landbúnaðarstarfsemi. Heimilt verði að byggja á því eitt einnar til tveggja hæða íbúðarhús og einnar hæðar landbúnaðarbyggingar, hámarksnýtingarhlutfall verði 0,1. Byggja megi við núverandi hús (Bókfell), eða rífa það og byggja nýtt hús í þess stað. Samþykkt 22. desember 2010 skv. 25. gr.

Reykjahvoll 39-41.
Breyting á „deiliskipulagi frá Reykjalundarvegi að Húsadal“ sem síðast var breytt 27. ágúst 2008. Ný deiliskipulagsbreyting felur í sér að lóðamörk milli lóðanna nr. 39 og 41 við Reykjahvol breytast, þannig að nr. 39 stækkar um 2.280 m² á kostnað nr. 41. Einnig er byggingarreitur Reykjahvols 41 lagaður að nýrri legu lóðamarka. Samþykkt 22. desember 2010 skv. 1. mgr. 26. gr.

Ofangreindar deiliskipulagsáætlanir og breytingar á deiliskipulagi hafa hlotið þá meðferð sem skipulags- og byggingarlög nr. 73/1997 með síðari breytingum mæla fyrir um og öðlast þær þegar gildi.

Finnur Birgisson skipulagsfulltrúi.