1. gr.

Með vísan til 2. og 3. gr. reglugerðar nr. 605, 1. júní 2008 um úthlutun byggðakvóta til fiskiskipa á fiskveiðiárinu 2007/2008 staðfestir ráðuneytið sérstök skilyrði vegna úthlutunar aflaheimilda í eftirfarandi sveitarfélögum:

Seyðisfjörður.
Ákvæði reglugerðar nr. 605 frá 24. júní 2008 gilda um úthlutun byggðakvóta Seyðisfjarðar með eftirfarandi viðauka/breytingum:
15 þorskígildislesta hámark skv. 4. gr. er fellt niður.

Árneshreppur.
Ákvæði reglugerðar nr. 605 frá 24. júní 2008 gilda um úthlutun byggðakvóta Árneshrepps með eftirfarandi viðauka/breytingum:
Byggðakvóta skal skipta jafnt á milli fiskiskipa sem skráð voru í Árneshreppi 1. maí 2008.

Kaldrananeshreppur.
Ákvæði reglugerðar nr. 605 frá 24. júní 2008 gilda um úthlutun byggðakvóta Kaldrananeshrepps með eftirfarandi viðauka/breytingum:
Byggðakvóta skal úthlutað til fiskiskipa í hlutfalli við landaðan afla á Drangsnesi frá 1. september 2007 til 31. mars 2008.

Grímseyjarhreppur.
Ákvæði reglugerðar nr. 605 frá 24. júní 2008 gilda um úthlutun byggðakvóta Grímseyjarhrepps með eftirfarandi viðauka/breytingum:
Vinnsluskyldu byggðakvóta Grímseyjarhrepps samkvæmt 6. gr. er aflétt.

Borgarfjarðarhreppur.
Ákvæði reglugerðar nr. 605 frá 24. júní 2008 gilda um úthlutun byggðakvóta Borgarfjarðarhrepps með eftirfarandi viðauka/breytingum:
Vinnsluskyldu byggðakvóta Borgarfjarðarhrepps samkvæmt 6. gr. er aflétt.

2. gr.

Auglýsing þessi, sem birt er samkvæmt heimild í 5. mgr. 10. gr. laga nr. 116/2006, um stjórn fiskveiða, með síðari breytingum, öðlast þegar gildi.

F. h. r.
Sigurgeir Þorgeirsson.