FORSETI ÍSLANDS
gjörir kunnugt: Samkvæmt tillögu forsætisráðherra er hér með gerð sú breyting á forsetaúrskurði nr. 184 frá 31. desember 2011, um skiptingu starfa ráðherra, að Steingrími J. Sigfússyni er fer með ráðherrastörf í sjávarútvegs- og landbúnaðarráðuneyti og efnahags- og viðskiptaráðuneyti, verði falið að undirbúa stofnun atvinnuvega- og nýsköpunarráðuneytis, að Oddnýju G. Harðardóttur er fer með ráðherrastörf í fjármálaráðuneyti, verði falið að undirbúa stofnun fjármála- og efnahagsráðuneytis og að Svandísi Svavarsdóttur er fer með ráðherrastörf í umhverfisráðuneyti verði falið að undirbúa stofnun umhverfis- og auðlindaráðuneytis, sbr. forsetaúrskurð nr. 86 frá 5. júlí 2012, um skiptingu Stjórnarráðs Íslands í ráðuneyti. Ennfremur skulu þau annast undirbúning ákvarðana samkvæmt 17. og 21. gr. laga nr. 115/2011, um Stjórnarráð Íslands, vegna hinna nýju ráðuneyta. Gjört á Bessastöðum, 5. júlí 2012. Ólafur Ragnar Grímsson. (L. S.) Steingrímur J. Sigfússon. |