Bæjarstjórn Mosfellsbæjar hefur samþykkt breytingar á deiliskipulagi Helgafellshverfis, 2. og 3. áfanga, sem hér segir:
Uglugata 9-13. Breyting á deiliskipulaginu fékk meðferð samkvæmt 1. mgr. 43. gr. skipulagslaga. Breytingar samkvæmt tillögunni eru þær að þrjár lóðir fyrir tveggja hæða einbýlishús í gildandi skipulagi breytast í parhúsalóðir. Byggingarreitir og ákvæði um húshæðir breytast ekki og nýtingarhlutfall verður óbreytt (0,45). Breytingin var samþykkt í bæjarstjórn 11. maí 2016.
Ástu-Sólliljugata 14-16 og Bergrúnargata 1-3. Breyting á deiliskipulaginu fékk meðferð samkvæmt 1. mgr. 43. gr. skipulagslaga. Breytingar samkvæmt tillögunni eru þær að tvær einbýlishúsalóðir við Ástu-Sólliljugötu í gildandi skipulagi breytast í lóð fyrir fjögurra íbúða raðhús, og tvær einbýlishúsalóðir við Bergrúnargötu breytast í lóðir fyrir parhús. Byggingarreitir og ákvæði um húshæðir breytast ekki og nýtingarhlutfall verður óbreytt (0,45). Breytingin var samþykkt í bæjarstjórn 8. júní 2016.
Ofangreindar breytingar á deiliskipulagi hafa hlotið þá meðferð sem skipulagslög nr. 123/2010 mæla fyrir um og öðlast þær þegar gildi.
F.h. Mosfellsbæjar, 13. júlí 2016,
Ólafur Melsted skipulagsfulltrúi.
|