1. gr.

Gildissvið.

Reglugerð þessi gildir um starfsemi lánshæfismatsfyrirtækja sem starfa samkvæmt lögum nr. 50/2017 um lánshæfismatsfyrirtæki.

2. gr.

Innleiðing reglugerða.

Eftirtaldar reglugerðir Evrópusambandsins um starfsemi lánshæfismatsfyrirtækja skulu gilda á Íslandi með þeirri aðlögun sem leiðir af ákvörðun sameiginlegu EES-nefndarinnar nr. 189/2019 frá 10. júlí 2019:

1. Framseld reglugerð framkvæmdastjórnarinnar (ESB) 2015/1 frá 30. september 2014 um við­bætur við reglugerð Evrópuþingsins og ráðsins (EB) nr. 1060/2009 að því er varðar tækni­lega eftirlitsstaðla fyrir reglubundna skýrslugjöf um gjöld sem lánshæfismatsfyrirtæki innheimta innan ramma viðvarandi eftirlits Evrópsku verðbréfamarkaðseftirlits­stofnunar­innar, sem er birt í EES-viðbæti við Stjórnartíðindi Evrópusambandsins nr. 55 frá 26. ágúst 2021, bls. 17-39.
2. Framseld reglugerð framkvæmdastjórnarinnar 2015/2/ESB frá 30. september 2014 um við­bætur við reglugerð Evrópuþingsins og ráðsins (EB) nr. 1060/2009 að því er varðar tækni­lega eftirlitsstaðla um framsetningu upplýsinganna sem lánshæfismatsfyrirtæki gera aðgengi­­leg Evrópsku verðbréfamarkaðseftirlitsstofnuninni, sem er birt í EES-viðbæti við Stjórnar­tíðindi Evrópusambandsins nr. 55 frá 26. ágúst 2021, bls. 40-72.
3. Framseld reglugerð framkvæmdastjórnarinnar (ESB) 2015/3 frá 30. september 2014 um við­bætur við reglugerð Evrópuþingsins og ráðsins (EB) nr. 1060/2009 að því er varðar tækni­­lega eftirlitsstaðla um birtingarkröfur fyrir samsetta fjármálagerninga, sem er birt í EES-við­bæti við Stjórnartíðindi Evrópusambandsins nr. 55 frá 26. ágúst 2021, bls. 73-135.

3. gr.

Gildistaka.

Reglugerð þessi er sett með stoð í 1. mgr. 8. gr. laga nr. 50/2017, um lánshæfismatsfyrirtæki, og öðlast þegar gildi.

Fjármála- og efnahagsráðuneytinu, 30. september 2021.

F. h. r.

Guðrún Þorleifsdóttir.