Bæjarstjórn Mosfellsbæjar hefur þann 26. ágúst 2015 samþykkt breytingar á deiliskipulagi 1. áfanga Helgafellshverfis eftir meðferð samkvæmt 1. mgr. 43. gr. skipulagslaga. Breytingarnar varða lóðina Gerplustræti 1-5 og felast í fjölgun íbúða úr 26 í 31, fækkun stigahúsa úr þremur í eitt, hækkun mið- og vesturhluta húss um allt að 90 cm, tilslökun á kröfum um bílastæði og skilgreiningu byggingarreits fyrir bílakjallara. Skipulagsstofnun gerði athugasemdir við frágang uppdráttar og var lagfærður uppdráttur lagður fyrir bæjarstjórn 3. febrúar 2016. Ofangreindar breytingar á deiliskipulagi hafa hlotið tilskilda meðferð samkvæmt skipulagslögum og öðlast þær þegar gildi.
F.h. Mosfellsbæjar, 10. febrúar 2016,
Finnur Birgisson skipulagsfulltrúi.
|