1. gr.

Við 1. málsl. 2. gr. fyrirmælanna bætist: og eingöngu heimil þeim sem eru syndir.

2. gr.

Eftirfarandi breytingar eru gerðar á 4. gr. fyrirmælanna:

1. 4. mgr. 4. gr. um almenn fyrirmæli orðist svo: Gestir með hverjum leiðsögumanni skulu ekki vera fleiri en þrír hverju sinni við köfun í Silfru.
2. 5. mgr. 4. gr. orðist svo: Í yfirborðsköfun skal vera einn leiðsögumaður með hverjum sex gestum í yfirborðsköfun. Ferðaþjónustufyrirtæki bera ábyrgð á því að tryggja að gestir sem fara í yfirborðs­köfun séu syndir og hafi líkamlega og andlega burði til að stunda yfirborðsköfun í Silfru.

3. gr.

9. mgr. 5. gr. fyrirmælanna orðist svo: Ferðaþjónustufyrirtæki bera ábyrgð á því að tryggja að gestir sem fara í köfun séu syndir og hafi líkamlega og andlega burði til að stunda köfun í Silfru. Kafarar, sem kafa í þurrbúningi, skulu framvísa þurrbúningaskírteini eða framvísa skriflegri stað­fest­ingu á 10 þurrbúningaköfunum á síðustu tveimur árum. Staðfestingin skal vera vottuð af alþjóð­lega viðurkenndum köfunarkennurum/köfunarsamtökum. Óheimilt er að kafa í Silfru (scuba diving) í blautbúningi.

4. gr.

Gildistaka.

Fyrirmæli þessi eru sett samkvæmt 4. gr. reglugerðar um köfun nr. 535/2001 og taka gildi við birtingu.

Samgöngustofu, 13. mars 2017.

Halla S. Sigurðardóttir,
staðgengill forstjóra.

Kristín Helga Markúsdóttir.