Bæjarstjórn Mosfellsbæjar hefur samþykkt breytingu á deiliskipulagi sem hér segir:
Skarhólabraut 1. Breytingin felur í sér að lóðinni Skarhólabraut 1 verður skipt upp í tvær lóðir, Skarhólabraut 1 og 3. Samkvæmt aðalskipulagi Mosfellsbæjar er nýja lóðin, Skarhólabraut 3, á svæði fyrir verslun og þjónustu, 418-VÞ. Lóðarstærð er 6.580 m², leyfilegt er að reisa tveggja hæða hús á hluta lóðarinnar með hámarkshæð 8 m. Tvær nýjar aðkomuleiðir verða frá Skarhólabraut. Nýtingarhlutfall er 0,30.
Ofangreind breyting hefur hlotið þá meðferð sem skipulagslög nr. 123/2010 mæla fyrir um og öðlast hún þegar gildi.
F.h. Mosfellsbæjar, 21. október 2019,
Ólafur Melsted skipulagsfulltrúi.
|