1. gr.
Almennt.
Sveitarfélagið Hornafjörður innheimtir gjöld vegna meðferðar úrgangs í sveitarfélaginu í samræmi við 11. gr. samþykktar um meðhöndlun úrgangs í Sveitarfélaginu Hornafirði nr. 236/2018.
2. gr.
Árleg grunngjöld.
Árlegt grunngjald vegna sorphirðu, sorpeyðingar og endurvinnslu í sveitarfélaginu er sem hér segir.
Íbúðir:
Einingargjald sorphirðu á íbúð er |
29.040 kr. |
Einingargjald sorpeyðingar er |
17.490 kr. |
Óski greiðendur eftir fleiri sorpílátum greiðist viðbótargjald: |
|
Sorphirðu- og eyðingargjald fyrir 240 l tunnu |
24.750 kr. |
Lífrænt ílát |
21.670 kr. |
Græn tunna eða ker |
21.670 kr. |
Hver húseigandi sem greiðir ofangreint gjald fyrir íbúð fær afhent eitt klippikort á ári. Um klippikort gilda ákvæði gjaldskrár fyrir söfnunarstöð sorps á Höfn í Sveitarfélaginu Hornafirði.
Á hvert frístundahús er heimilt að leggja sérstakt gjald vegna sorphirðu og/eða sorpeyðingar. Þar sem sumarbústaðir eru 20 eða fleiri skal leggja á sérstakt gjald fyrir sorphirðu að viðbættu sorpeyðingargjaldi enda verður komið upp gámasvæði við sumarbústaðarhverfi með yfir 20 bústöðum eða fleiri yfir mesta ferðamannatímann frá 1. júní – 1. september. Í sumarhúsahverfum með færri en 20 bústaði eru eingöngu lögð gjöld vegna sorpeyðingar.
Sorphirðugjald þar sem eru fleiri en 20 frístundahús |
5.170 kr. |
Sorpeyðingargjald fyrir frístundahús |
6.930 kr. |
Ofangreind sorphirðu- og sorpeyðingargjöld eru lögð á hverja íbúð í lögsagnarumdæmi Sveitarfélagsins Hornafjarðar og eru innheimt með fasteignagjöldum.
3. gr.
Aðfararheimild.
Verði vanskil á greiðslu gjalda samkvæmt gjaldskrá þessari er hægt að innheimta gjöld með aðför sbr. 4. mgr. 23. gr. laga nr. 55/2003 um meðhöndlun úrgangs og 1. gr. laga nr. 90/1989 um aðför. Gjöld eru tryggð með lögveðsrétti í viðkomandi fasteign í tvö ár eftir gjaldaga sbr. 5. mgr. 59. gr. laga um hollustuhætti og mengunarvarnir nr. 7/1998.
4. gr.
Lagaheimild og gildistaka.
Gjaldskrá þessi er sett með heimild í 23. gr. laga um meðhöndlun úrgangs nr. 55/2003 og 10. gr. reglugerðar um meðhöndlun úrgangs nr. 737/2003 og öðlast gildi við birtingu.
Frá sama tíma fellur úr gildi gjaldskrá nr. 133/2021.
Samþykkt í bæjarstjórn Sveitarfélagsins Hornafjarðar, 9. desember 2021.
Matthildur Ásmundardóttir bæjarstjóri.
|