Bæjarstjórn Mosfellsbæjar hefur samþykkt breytingar á deiliskipulagi sem hér segir:
Reykjavegur 4. Breytingin felst í eftirfarandi:
Lóðinni við Reykjahvol 4 er skipt upp í þrjár lóðir. Tvær nýjar lóðir verða stofnaðar ásamt lóð utan um núverandi íbúðarhús. Á nýjum lóðum verður leyfilegt að byggja allt að 300 fm einnar hæðar hús, einungis er leyfð ein íbúð í hvoru húsi. Aðkoma að húsum yrði um nýja götu sem liggur frá Reykjahvoli. Bílastæðum skal koma fyrir innan lóðarmarka. Að öðru leyti gilda eldri skilmálar.
Vogatunga 2-8, 10-16, 23-29 og 99-101. Breytingin felst í eftirfarandi:
Í stað tveggja hæða raðhúsa R-IIC komi einnar hæðar raðhús R-IC. Byggingarreitur Vogatungu 2-16 og 23-29 stækkar til norðausturs um 2,5 m, til suðvesturs um 2,5 m og til suðurs um 3 m. Byggingarreitur Vogatungu 99-101 stækkar til austurs um 1,5 x 5,5 m eða 8,25 fm, til suðvesturs um 1,5 x 5,5 m eða 8,25 fm, til suðurs um 2,5 x 10 m eða 25 fm og til norðurs um 3,0 x 22 eða 66 fm sem gerir samtals 107,5 fm. Innbyrðis lóðarmörkum er breytt. Þannig að millilóðirnar eru stækkaðar frá 9 m í 10,5 m. Staðsetning bílastæða er aðlöguð breyttum lóðarmörkum. Að öðru leyti haldast skilmálar óbreyttir.
Ofangreindar breytingar á deiliskipulagi hafa hlotið meðferð sem skipulagslög nr. 123/2010 mæla fyrir um og öðlast þær þegar gildi.
F.h. Mosfellsbæjar, 11. desember 2017,
Ólafur Melsted skipulagsfulltrúi.
|