Þrátt fyrir ákvæði reglna um námsmat fyrir Háskólann á Akureyri nr. 921/2018 gildir eftir­farandi bókun háskólaráðs á vor­misseri 2021:

1. Ekki verður innheimt próftökugjald fyrir endurtökupróf í endurtökuprófatíð á vormisseri 2021.
2. Nemendur sem staðist hafa námsmat í námskeiði á vormisseri 2021 geta óskað eftir því að fá birtri lokaeinkunn breytt í „Staðið“ í stað einkunnar í tölustöfum á námsferli.

Auglýsing þessi, sem háskólaráð hefur samþykkt, er birt með stoð í lögum nr. 85/2008 um opin­bera háskóla og taka ákvæði hennar þegar gildi.

Háskólanum á Akureyri, 23. apríl 2021.

Eyjólfur Guðmundsson rektor.