Bæjarstjórn Mosfellsbæjar hefur samþykkt breytingar á deiliskipulagi sem hér segir:
Bjargslundur 17. Breytingin felur í sér stækkun byggingarreits, stækkun á núverandi húsnæði sem og möguleika á að byggja frístandandi bílskúr með nýtanlegu kjallararými. Heildarfermetrum bygginga fjölgar úr 135 m² í 370 m². Nýtingarhlutfall fer úr 0,11 í 0,20.
Athafnasvæði á Leirvogstungumelum. Breytingin felur í sér stækkun á deiliskipulagi athafnasvæðis á Tungumelum um 1,3 ha inn á svæði sem í aðalskipulagi Mosfellsbæjar er skilgreint sem athafnasvæði, fleki 202-A. Gert er ráð fyrir að vegtenging verði um Fossaveg sem verður framlengdur til austurs og frá honum verði tenging inn á lóð. Hámarkshæð byggingar verður allt að 13 m, grunnflatarmál húss verði allt að 4.245 m² og nýtingarhlutfall 0,33. Kvaðir eru um skermun lóðar og um afmörkun geymslusvæðis fyrir gáma, varning og tæki.
Ofangreindar breytingar hafa hlotið þá meðferð sem skipulagslög nr. 123/2010 mæla fyrir um og öðlast þær þegar gildi.
F.h. Mosfellsbæjar, 27. júní 2019,
Ólafur Melsted skipulagsfulltrúi.
|