1. gr.
Í stað „27. september 2020 kl. 23.59“ í 1. mgr. 2. gr. reglugerðarinnar kemur: 18. október 2020 kl. 23.59.
2. gr.
Á eftir fyrsta málslið 1. mgr. 6. gr. reglugerðarinnar bætist nýr málsliður sem orðast svo: Veitingastöðum þar sem heimilaðar eru áfengisveitingar er skylt að hafa sæti fyrir alla gesti staðarins og tryggja að gestir séu að jafnaði í sætum eins og almennt tíðkast á veitingahúsum og kaffihúsum.
3. gr.
Reglugerð þessi, sem sett er með heimild í 12. gr. sóttvarnalaga, nr. 19/1997, öðlast þegar gildi, að frátalinni 2. gr. sem tekur gildi þann 28. september 2020.
Heilbrigðisráðuneytinu, 25. september 2020.
F. h. r.
Ásta Valdimarsdóttir.
|