1. gr.
Við skráningu hunda skal greiða skráningargjald kr. 2.770.
2. gr.
Árlega skal greiða eftirlitsgjald vegna hunda kr. 8.523. Gjaldið á að standa undir kostnaði vegna ormahreinsunar en ef framvísað er staðfestingu á að ormahreinsun hafi verið framkvæmd lækkar gjaldið um 50%.
3. gr.
Af hundum sem handsamaðir eru og fluttir í gæludýrageymslu Dalvíkurbyggðar samkvæmt 14. gr. samþykktar um hundahald í Dalvíkurbyggð skal eigandi greiða handsömunar-, fóður- og vistunargjald áður en honum er afhentur hundurinn á ný. Ef hundur er ekki örmerktur samkvæmt 9. gr. sömu samþykktar ber einnig að greiða þann kostnað gegn beiðni til dýralækna sem framkvæma slíkt.
4. gr.
Við afhendingu handsamaðs hunds ber að innheimta kr. 5.325 vegna handsömunar, auk gjalds fyrir fóður og vistun samkvæmt kostnaði. Gjald fyrir örmerkingu hunda fer eftir gjaldskrá viðkomandi dýralæknis hverju sinni.
5. gr.
Gjaldskrá þessi sem samin er og samþykkt af sveitarstjórn Dalvíkurbyggðar, með heimild í 5. mgr. 25. gr. laga nr. 7/1998 um hollustuhætti og mengunarvarnir, með síðari breytingum, öðlast gildi 1. janúar 2016.
Samþykkt í landbúnaðarráði Dalvíkurbyggðar 16. september 2015.
Samþykkt í sveitarstjórn Dalvíkurbyggðar 27. október 2015.
Dalvík, 18. nóvember 2015.
Bjarni Th. Bjarnason sveitarstjóri.
|