1. gr.

Norðurorka hf. selur afnot af heitu vatni úr veitukerfi sínu samkvæmt gjaldskrá þessari og reglugerð Norðurorku fyrir heitt vatn. Gjaldskráin gildir á öllu orkuveitusvæði Norður­orku. Á gjöld samkvæmt gjaldskrá þessari leggjast virðisaukaskattur og önnur gjöld samkvæmt gildandi lögum og reglum á hverjum tíma.

2. gr.

Norðurorka takmarkar allajafna ekki aðgang húsveitu að vatni umfram það er heimæð og veitukerfi gera. Þó er veitunni heimilt að setja upp búnað hjá notanda, sem tryggir aðra notendur gegn óeðlilegum þrýstibreytingum og er starfsmönnum veitunnar einum heimilt að breyta stillingu hans.

3. gr.

Fyrir afnot af heita vatninu skal greiða (allar veitur nema Ólafsfjörður og Reykjaveita):

A. Vatnsgjald.

B. Fastagjald.

C. Heimæðagjald. Aðalheimæðar (allar veitur nema Reykjaveita):

1. Lengdargjald í dreifbýli er kr./metri 4.426. Lengdargjald er greitt frá stofnlögn að tengistað heimæðar að frádregnum 20 metrum.
2. Lengdargjald í þéttbýli er kr./metri 7.869. Lengdargjald skal greitt fyrir hvern metra umfram 20 metra innan lóðarmarka.

Í sumarbústaði, frístundahús, vinnuskúra og þess háttar skal settur skápur á útvegg fyrir inntak heimlagnar samkvæmt nánari leiðbeiningum og skilmálum sem koma fram í heimlagnabæklingi.

Hafi áhleyping eða tenging ekki átt sér stað einu ári eftir að heimlögn er tilbúin til teng­ingar hefst innheimta samkvæmt gjaldskrá.

Grunnverð fyrir sumarhús, frístundahús og sambærileg hús er fast gjald og lágmarks­gjald sem samsvarar gjaldi fyrir 300 m³ af heitu vatni. Þar sem gjald fyrir afnot af heitu vatni eru samkvæmt kílóvattsstundamælingu skal lágmarksgjaldið samsvara gjaldi fyrir 12.800 kílóvattsstundir (kWh).

D. Bráðabirgðaheimæðar:

Lengdargjald skal greitt fyrir hvern metra í heimæð til bráðabirgðatengingar.

Bráðabirgðaheimæðar skulu aflagðar innan 24 mánaða frá tengingu þeirra.

4. gr.

Fast gjald, tengigrind og heimæðagjald er innheimt samkvæmt almennri verðskrá Norður­orku.

Heitt vatn er selt eftir mínútulítrum og vatnsmælum.

Vatnsgjald á mánuði fyrir hvern mínútulítra í hámarksstillingu hemils kr. 1.381,08.

Vatnsgjald fyrir hvern rúmmetra vatns kr. 61,20

5. gr.

Fast gjald og tengigrind er innheimt samkvæmt almennri verðskrá Norðurorku.

Heitt vatn er selt eftir vatnsmælum sem mæla jafnt rúmmetrafjölda sem og hitann á vatn­inu á inntaksstað (framrásarhita) og þar með er hægt að ákvarða kílóvatts­stunda­gildi (kWh) þess vatns sem hver viðskiptavinur fær til afnota. Við ákvörðun kílóvattsstunda (kWh) er bakrásarhiti ákvarðaður með fast gildi 25°C.

Vatnsgjald fyrir hvern rúmmetra vatns er kr. 147,08 sé gjaldið samkvæmt rúm­metra­mælingu.

Vatnsgjald fyrir hverja kílóvattsstund (kWh) er kr. 3,47 sé gjaldið samkvæmt kílóvatts­stunda­mælingu. Norðurorka hf. ákvarðar hvort gjald fyrir afnot af vatninu er samkvæmt rúmmetramælingu eða kílóvattsstundamælingu. Er við það miðað að megin­reglan sé sú að greitt sé samkvæmt kílóvattsstundamælingu í Reykjaveitu.

Tengigrindargjald er innifalið í heimæðagjaldi en sé óskað eftir auka tengigrind kostar hún kr. 50.533,60.

6. gr.

Innheimtugjald er samkvæmt gjaldskrá viðkomandi innheimtufyrirtækis samkvæmt samningi þar að lútandi.

7. gr.

Gjaldskrá þessi, sem samþykkt er af stjórn Norðurorku, er sett samkvæmt orkulögum nr. 58 frá 29. apríl 1967 og lögum nr. 159, 20. desember 2002 um stofnun hlutafélags um Norðurorku, staðfestist hér með til að öðlast gildi frá og með 1. janúar 2013 og birtist til eftirbreytni öllum sem hlut eiga að máli. Jafnframt er úr gildi felld eldri gjaldskrá Norðurorku hf. nr. 1265 frá 19. desember 2011, sbr. og breytingu á henni nr. 81 frá 25. janúar 2012.

F. h. r.