1. gr.
Gildissvið.
Reglur þessar gilda um fjármálafyrirtæki sem skylt er að viðhalda eiginfjárauka vegna kerfisáhættu samkvæmt 86. gr. b laga um fjármálafyrirtæki, nr. 161/2002.
2. gr.
Gildi eiginfjárauka fyrir kerfisáhættu.
Fjármálafyrirtæki sem hafa heimild til móttöku innlána skulu viðhalda eiginfjárauka vegna kerfisáhættu sem nemur 3% af áhættugrunni, vegna innlendra áhættuskuldbindinga. Eiginfjáraukanum skal einnig viðhaldið á samstæðugrunni, eftir því sem við á.
3. gr.
Gildistaka.
Reglur þessar, sem settar eru á grundvelli 1. mgr. 86. gr. b laga um fjármálafyrirtæki, nr. 161/2002, hafa verið samþykktar af fjármálastöðugleikanefnd og öðlast þegar gildi.
Seðlabanka Íslands, 7. apríl 2020.
| |
Ásgeir Jónsson |
Rannveig Júníusdóttir |
| |
seðlabankastjóri. |
framkvæmdastjóri. |
|